O alcalde de Ourense deixa a súa número dous de alcaldesa en funcións. Marga Martín estará á fronte da alcaldía até que se elixa un novo rexedor, nun prazo máximo de dez días. Máis información, esta tarde en Praza.
Fálase
O PP de Teo súmase ao resto de grupos municipais e apoia unha moción na defensa do dereito ao aborto e da actual regulación legal da interrupción voluntaria do embarazo. Podedes consultar aquí o texto íntegro aprobado.
A Xustiza portuguesa determina que compartir contidos suxeitos a copyright para uso persoal non é delito. O fiscal desestima a denuncia da Associação do Comércio Audiovisual de Portugal (ACAPOR) recompilara as direccións IP duns 2.000 usuarios portugueses que compartian arquivos.
Feijóo asegura en RNE que a seguridade dos contratos de Pemex é "máxima" e manda unha mensaxe de "absoluta tranquilidade" aos estaleiros malia as informacións que en México negan que o acordo coa petroleira sexa definitivo.
Un conselleiro de Pemex di que o acordo entre Xunta e a petroleira usouse "electoralmente" para "impulsar politicamente o PP". Fluvio Ruiz fixo estas declaracións ao diario 24 Horas, mentres Feijóo asegura que os contratos son "plenamente válidos".
A prensa analiza esta mañá o conflito interno que vive o PSC a dous meses das eleccións en Catalunya. O debate entre o sector máis catalanista e o máis ligado a Madrid resolveuse coa abstención dos socialistas á proposta para convocar un referendo de autodeterminación nesta lexislatura, aprobado onte por unha ampla maioria do Parlament. Ernest Maragall rompeu a disciplina de voto e votou a favor e anuncia que non irá nas listas do PSC.
Os prezos disparáronse en setembro por mor da suba do ive. A inflación interanual chega ao 3,5% e sobe oito décimas dende agosto.
A Xunta reacciona ao anuncio de Pemex de que non asinou contrato ningún cos estaleiros cun comunicado que insiste en que si o fixo pero cita unha nota de prensa da petroleira mexicana que confirma que o compromiso ao que se chegou simplemente garante que as construtoras galegas poderán participar no concurco para a adxudicación dos contratos. Máis información, hoxe en Praza.
O Banco de España advertiu hai seis anos a Bankia dos riscos que estaba a correr. Adiántao a Cadena SER.
Varapalo para a demanda do fiscal polas preferentes. O xulgado número 11 da Coruña rexeita admitir a trámite os aspectos máis relevantes da demanda e só admite a petición da Fiscalía para que deixen de comercializarse este tipo de produtos. Algo que na práctica xa se produciu