Desde mañá está en vigor a nova Lei de Montes que, entre outros aspectos, reduce a faixa de protección contra incendios arredor das vivendas.
Fálase
A prima de risco amence desbocada e xa sobrepasou os 640 puntos básicos no inicio da xornada. A rendibilidade dos bonos españois supera o 7%.
Unha vintena de alcaldes galegos subiron o seu propio soldo en plena crise. Cóntao El País.
Os durísimos incendios que están a sufrir varias comarcas do norte de Catalunya levan hoxe boa parte das portadas dos diarios impresos. Comparten espazo coa incerteza sobre as finanzas dalgunhas autonomías, como en El País, ou coa política, como en El Mundo, que ofrece unha enquisa de intención de voto.
Falecen tres persoas no incendio do Empordà, que xa obrigou a confinar nove vilas e a cortar estradas e a circulación do AVE. A Generalitat recoñece que o lume está "totalmente descontrolado". Hai tamén doce feridos.
Un incendio descontrolado en La Jonquera (Girona) queimou xa 1.000 hectáreas e provocou dous feridos. O lume obrigou a cortar seis estradas. Imaxe de @Marina_Loppez.
O PP suxire unha conspiración de Alemaña contra España para xustificar o ataque dos mercados. Cóntao Público.
A intervención de Catalunya, cada vez máis preto, segunda anuncia Vilaweb, que asegura que a Generalitat non descarta acudir ao fondo estatal.
O PSOE asegura que Gallardón "busca o aplauso ultraconservador atacando os dereitos das mulleres". Os socialistas responden ás palabras do ministro de Xustiza, que asegura "a malformación do feto xa non será un suposto para abortar".
Francisco Jorquera cre que "para ser nacionalista en Galicia hai que ser de esquerdas, e para ser de esquerdas, hai que ser nacionalista". Nunha entrevista en Europa Press, avoga por que as eleccións autonómicas se celebren "canto antes".