Steven Forti (con El peso de la nación. Nicola Bombaci, Paul Marion y Óscar Pérez Solís en la Europa de entreguerras) e Francisco Leira (La consolidación social del franquismo. La influencia de la Guerra Civil en los “soldados de Franco”), galardonados cos premios de investigación en humanidades e ciencias sociais da Cátedra Juana de Vega da USC.
Fálase
Presentan un manifesto aberto chamado Tamén connosco, que aposta por un "nacionalismo unido". Afirma que "non tería sentido nin sería positiva a competencia social e electoral na defensa dos mesmos intereses sociais por parte de alternativas con moitas semellanzas, unha competencia en que moita xente non quere entrar e que, por tanto, só provocaría que houbese menos persoas activas na defensa dos valores do nacionalismo"
Outro camiño a Santiago para reclamar solucións para o sector naval galego. Un grupo de traballadores de Hijos de J. Barreras anunciaron esta mañán a súa intención de volver tomar a rúa para plantarse no Parlamento galego. Barreras está en concurso de acredores e propón un plan de viabilidade que implica prescindir da metade dos empregados e redución de salarios de ata o 80%. A CIG subscribe esta proposta, que podería formalizarse para o 12 de marzo.
A CIG iniciou inaugurou este xoves un completo calendario de mobilizacións contra a reforma laboral e os recortes sociais que finalizará, cando menos co apoio da CUT en Galicia, cunha folga xeral. Esta tarde hai actos informativos en Narón (local da Asociación de Veciños/as Alto do Castiñeiro, ás 19:30 horas), no local do sindicato en Carballo (19:00 horas) e no Liceo de Betanzos (ás 20:00 horas). Estas asembleas repetiranse o venres 2 de marzo no Salón de Actos do Concello de Cee (ás 19:30 horas) e o sábado 3 de marzo no Salón de Plenos de Ordes, ás 11:00 horas.
Consello da Xunta: Feijóo admite que a Xunta estuda emprazamentos "fóra da provincia de Ourense" para a incineradora inicialmente prevista no Irixo. Empraza os xornalistas a "comer grelos de Ordes" para comprobar que non están afectados pola incineradora de Sogama.
Consello da Xunta: Primeiro balance de Feijóo sobre os tres anos de goberno: "Síntome tranquilo, porque fun fiel ao compromiso de ser un goberno austero e responsable"
Feijóo non sae en defensa da deputada que asegurou que agora o aborto se emprega como anticonceptivo: "Eu non son médico e me remito ás estatísticas do Sergas. Non son médico e non teño por que pronunciarme sobre cuestións sobre as que se teñen que pronunciar os médicos do Sergas".
Zaira Rodríguez (PP) xa é alcaldesa de Cee co apoio do BNG tras a votación da moción de censura contra o independente Ramón Vigo.
Consello da Xunta: Feijóo sitúa a Administración galega como "modelo desde o punto de vista da solvencia e da ampliación dos servizos públicos" por ser "a comunidade máis solvente de España" mentres se "blindan" educación e sanidade, asegura.
Consello da Xunta: As caldeiras dos hospitais de Ferrol, Lugo e Ourense funcionarán con biomasa. Asegura Feijóo que suporá un aforro de 3 millóns de euros.