Unha pingueira no Congreso obriga a suspender até as dez a sesión de control ao Goberno. O hemiciclo leva en obras todo o verán.
Fálase
El Confidencial desvela que Rajoy xa ten preparada a súa resposta á carta de Artur Mas na que o presidente catalán lle solicitaba que autorizase a celebración dun referendo de autodeterminación. O presidente do Goberno central salientaría nesta resposta escrita que “os límites non poden sobrepasarse”.
The Washington Post amosa nun mapa o informe sobre os países máis e menos felices, no que España é o sexto no que a felicidade diminuíu máis dende o 2007.
El Diario lembra que o crowdfunding, que leva máis de dous anos crecendo en España, aínda non dispón dunha lexislación específica que o regule. Alemaña, Reino Unido, Bélxica ou Francia xa avanzaron plans para a súa regulación e Italia xa ten unha lexislación específica.
Apple lanzará os iPhone 5S e 5C o 20 de setembro nos EEUU. Finalmente descarta lanzar un modelo de baixo custe e o iPhone 5C terá un custe de 600 euros libre e 99 con contrato. O novo sistema operativo iOS 7 poderase descargar o 18 de setembro
Este 11 de setembro, Diada nacional de Catalunya, a Cadena Ser publica unha enquisa que afirma que o 52% dos cataláns está a favor da independencia e o 24% está en contra. E o 80% dos cataláns quere que se celebre un referendo. A mesma sondaxe sitúa a ERC como a primeira forza política, por diante de CiU. Ciutadans e ICV superarían a PSC e PP.
Celébranse concentracións contra a intervención militar en Siria convocadas pola Coordinadora Galega pola Paz en varias cidades de Galicia. Na foto, a da Coruña. Imaxe de @eucoruna.
Sousa pide "perdón" aos accionistas de Pescanova e solicita aos conselleiros saíntes que non se presenten á reelección.
Esquerda Unida denuncia o gasto de 56 millóns de euros no túnel do Parrote e a Mariña na Coruña, "mentres 1200 familias traballadoras coruñesas teñen que recorrer á Cruz Vermella para que os seus rapaces teñan material escolar".
Declarado o nivel 1 no incendio do monte Pedroso, en Compostela, pola súa proximidade ao núcleo de poboación da Cova (foto: @javisuarez__)