El Diario publica unha "Guía para (tentar) non perder a tarxeta sanitaria se marchas ao extranxeiro". As persoas que saian de España máis de 90 días ao ano perderán a tarxeta sanitaria. Ademais, se se reside en España e se esgota a prestación do paro, é fundamental seguir dado de alta como demandante de emprego para non perdela
Jaume Matas non entrará en prisión mentres o Goberno central decide se o indulta. O ex presidente balear e ministro de Medio Ambiente durante o Prestige foi condenado por tráfico de influencias. En El Diario.
Os cinemas recuperan o Día do Espectador para os mércores non festivos. As entradas custarán entre 3,90 e 5 euros, nesta iniciativa promovida polas principais asociacións da industria cinematográfica, que tamén anunciaron que a Festa do Cine terá un carácter semestral
A Garda Civil detén varios avogados acusados de pertencer a ETA e o Ministerio do Interior anúnciao antes de que se produzan os prendementos. En El Diario
O Goberno grego suspende o dereito de manifestación en Atenas durante os actos nos que asume a presidencia de quenda da UE. Recólleo Público
Feijóo pide no comité executivo do PP que "se fale" para "non impoñer" a contrarreforma do aborto, pero sen que a xuntanza se convirta "no comité do aborto". A vicepresidenta do Congreso, Celia Villalobos, pídelle a Rajoy "liberdade de voto" nesa decisión. Cóntao El País.
España rexistra un novo record de paro xuvenil, segundo Eurostat. Un 57,7% dos mozos menores de 25 anos están desempregados, a taxa máis alta da UE e unha cifra por riba do resto de estados rescatados.
Compromiso chama a PSdeG, AGE e BNG a formular "unha alternativa conxunta á reforma electoral de Feijóo". Bascuas ve "positiva a proposta do BNG de facer unha fronte común entre os partidos contrarios á reforma" e sinala que CxG se "sumaría sen poñer condicións" para "achegar no que fose posible".
O aforro dos fogares españois cae ao seu nivel máis baixo dende 2007, segundo datos publicados esta mañá polo INE. Afórrase unha media do 9,2% da renda.
Galicia lidera o peche de bibliotecas ao perder 45 en tan só catro anos. O país conta con 505 centros de lectura, segundo datos do ano 2012.