Feijóo equipara a Podemos cos "fariseos" e a Albert Rivera, con Luís XIV. Fíxoo nun almorzo informativo en Madrid no que non estivo arroupado por dirixentes da cúpula do PP, segundo La Información
Fálase
-
O tracking electoral de Radio Coruña abre a porta a unha coalición de esquerdas na cidade. A nova edición da sondaxe elaborada pola Facultade de Socioloxía dálle 11 edís a Negreira, 6 a PSOE e Marea Atlántica e 2 ao BNG e a Ciudadanos. Os populares suman un edil e a Marea, outro, mentres que baixan as expectativas de C's e Unión Coruñesa a respecto do anterior estudo.
O programa Fort Apache, de Pablo Iglesias, debate sobre a "Europa das dúas velocidades" coa participación de, entre outros, Ana Miranda (BNG), Rafael Mayoral (Podemos) ou François Ralle (Front de Gauche)
O PP manteríase como primeira forza nas xerais pero perdendo uns 80 escanos, segundo unha sondaxe que hoxe publica El Periódico de Catalunya e que reflicte un empate técnico entre Podemos e PSOE.
Seguen as tarefas de rescate das máis de 700 persoas migrantes que naufragaron cando tentaban chegar a Sicilia dende Libia
O Goberno central ultima unha norma para facilitar a creación de universidades privadas. Cóntao El Diario
Tres de cada catro persoas que perciben a Risga levan máis de 4 anos na pobreza. Esta axuda de emerxencia social bate récords nos últimos anos. Recólleo Faro de Vigo
O Consello de Contas esixe máis medios para asumir as competencias de prevención da corrupción que o PP lle vai outorgar. Recólleo El País Galicia
O Pontevedra matén o liderado en Terceira malia caer na casa co Choco (1-2). No resto da xornada: Silva 1 1 Ordes; Alondras 2 2 As Pontes; Ribadeo 2 1 Barbadás; Fabril 6 0 Bertamiráns; Racing Vilalbés 2 2 Cultural Areas; Ribadumia 2 1 Laracha; Cerceda 1 0 Rápido de Bouzas; Bergantiños 1 0 Arousa; Xuventú Sanxenxo 0 3 Boiro.
O Racing de Ferrol aséntase nos postos de play-off de ascenso tras vencer 1-0 ao Logroñés. Tamén en 2ªB, o Somozas gaña ao Tropezón (0-2) e case acada a salvación matemática, mentres que o Compostela empatou co Coruxo (1-1). O Celta B venceu tamén ante o Valladolid B (2-0).