O persoal de limpeza da USC protestou esta mañá na facultade compostelá de Xornalismo, onde se celebraba un acto do reitor. A CIG denuncia que, "ao igual que ocorreu a semana pasada na Casa da Balconada, a Policía estaba dentro da faculdade".
Fálase
Alfonso Rueda que o PP de Galicia "incrementa o seu peso" na dirección estatal do partido e defende que o relatorio defendido por Feijóo potencia as linguas cooficiais.
Feijóo asegura, nunha visita a Retegal, que "nove de cada dez galegos teñen xa acceso pleno a Internet".
O plan de recortes aos funcionarios aprobarase no Parlamento por vía de urxencia. Quedará definitivamente aprobado o martes día 28 deste mes.
A Xunta resta importancia ao feito de que o delegado do Goberno galego en Ourense, Rogelio Martínez, acudise a un partido de fútbol a Madrid en plena vaga de lumes na provincia en outubro. Nunha resposta a unha pregunta escrita formulada polo socialista Lage Tuñas, a Xunta cre que a "breve ausencia" do delegado non supuxo un deterioro da coordinación dos servizos de emerxencia.
Este martes debátese no Congreso unha proposición non de lei (PNL) do BNG en relación ao naval galego, tanto dos estaleiros públicos como privados. O líder de Esquerda Unida en Vigo, Rubén Pérez, publica no seu blog algúns apuntamentos sobre o sector e a súa relevancia na área metropolitana da cidade olívica.
O Goberno de Mariano Rajoy vén de publicar un anuncio de licitación por case tres millóns de euros (prorrogables a cinco millóns) en servizos de publicidade. Moncloa quere facer unha campaña de "proximidade, recoñecemento e apoio ao recrutamento" das "Forzas Armadas". Está na plataforma de contratación do Estado.
O primeiro ministro de Rusia, Vladimir Putin, promete un "rearmamento sen precedentes na historia do país". En plena campaña electoral, o líder político transmite ao público que “esta era esixe unha política determinada de reforzamento do sistema de defensa aérea e espacial do país”. Recólleo o diario portugués Público
O secretario xeral de CCOO, Ignacio Fernández Toxo, asegura que a reforma laboral xa se aplica en novos convenios, despedimentos e rebaixa de salarios, sobre todo no terceiro sector. O sindicalista galego reclama a "reacción inmediata" de Moncloa tras as protestas de onte en todo o Estado. Na Cadena Ser
María Dolores de Cospedal, reelixida secretaria xeral do PP, nega que haxa unha campaña mediática contra as centrais sindicais. A tamén presidenta de Castilla la Mancha insiste en que "non hai" un rexeitamento maioritario á reforma laboral malia ás concorridas mobilizacións deste domingo. En Público