Galicia terá 147 mil habitantes menos no ano 2022, segundo as proxeccións publicadas hoxe polo INE. Este descenso do 5,3% é semellante ao que se rexistrará no conxunto de España (5,6%). Prevese que o saldo vexetativo sexa negativo (entre 10 e 16 mil persoas por ano) e tamén o migratorio (entre dúas e catro mil persoas por ano).
Fálase
Crean unha petición en change.org para que AOL libere o código de Winamp para facelo open source. Porén, dise que Microsoft podería estar interesada en mercar Winamp.
A Xunta retirará fondos aos alcaldes insubmisos ao canon de Sogama, segundo conta El País. Feijóo prevé incluír unha disposición nos Orzamentos para sancionar os concellos que non paguen a factura do lixo.
Xa se pode ver integramente a entrevista que Galiza Ano Cero lle fixo a Pablo Iglesias, politólogo e presentador de La Tuerka, cando hai unhas semanas estivo na Coruña.
Google España paga máis dun millón de euros a Amancio Ortega polo aluguer da súa oficina en Madrid. O buscador ten a súa sede na torre Picasso de Madrid, pola que o fundador de Inditex pagara 400 millóns.
Google homenaxea no seu doodle de hoxe o Doutor Who, no seu 50 aniversario. Nun elaborado xogo, pídesenos que recuperemos as letras de google, roubadas por un Dalek
O Parlament de Cataluña pedirá ao Estado convocar un referendo consultivo. Así se tira do borrador do acordo que negocian CiU, ERC, ICV e CUP, que foi filtrado e que sería presentado o 4 de decembro.
A Asociación Española de Abogados Cristianos querélase contra Femen por "exhibicionismo" e denuncia que "denigran a muller"
O alcalde de Verín, Juan Manuel Jiménez Morán, condenado por retirar en decembro do 2012 unhas faixas que a CIG colocara na rúa en defensa dos postos de traballo do parador de Monterrei
Pemex condiciona as súas adxudicacións a España, entre elas os floteis para os estaleiros galegos, a que Antonio Brufau abandone a presidencia de Repsol, destaca Faro de Vigo. Cos adiamentos do concurso gaña tempo para que se cumpran as súas peticións. Repsol pasa á ofensiva e denuncia a alianza con Pemex, segundo El Confidencial.