Pedro Sánchez resalta que Besteiro xa "dixo" que "non vai ser senador" e manifesta que "cre" na "inocencia" do líder do PSdeG. Faino nunha entrevista con eldiario.es
Fálase
-
Un menor de idade golpea a Rajoy en Pontevedra. O rapaz xa foi detido logo de darlle unha puñada ao presidente do Goberno durante un paseo pola cidade do Lérez. Pódese ver o vídeo no Diario de Pontevedra.
Rajoy, agredido por un home en Pontevedra, segundo conta El Mundo.
Naukas reivindica o traballo do fotógrafo galego Dani Caxete, autor dunha imaxe tirada no "banco máis bonito do mundo" situado en Loiba (Ortigueira) que recibiu unha mención especial no certame The 2015 International Earth & Sky Photo Contest, unha fotografía utilizada en moitas ocasións sen o seu permiso e sen atribuírlla.
Gran Hermano, Eurovisión e Supervivientes, as procuras máis populares do 2015 en España. Nos dez primeiros postos tamén entran Eleccións, París e Charlie Hebdo. As preguntas máis buscadas foron "Que pasaría se Cataluña se independizase", "Que pasaría se Grecia sae do euro" e "Que pasaría se gaña Podemos".
A Audiencia de Lugo rexeita afastar a xuíza De Lara do caso Garañón, no que mantén a imputación sobre Besteiro. Este mércores, Pedro Sánchez manifestou que "cre na inocencia" do líderes dos socialistas galegos.
O xefe territorial de Cultura da Xunta felicita oficialmente o Nadal dende "la Coruña". A Mesa pola Normalización Lingüística reclama o cesamento de Indalecio Cabana por este "insólito" episodio nun responsable do departamento responsable das competencias de promoción do galego.
A Cuarta Parede púxose en contacto coas principais forzas políticas que concorren ás eleccións do 20D para coñecer as súas propostas para o cinema. Estas son as súas respostas.
Cultura Galega fai un percorrido, da man de Xulio Carballo, por algúns dos "fitos" da banda deseñada nos anos setenta, pioneiros do xénero no noso país. Carballo presentou este verán a primeira tese de de doutoramento sobre a historia do cómic en Galicia.
O prazo para depositar o voto por correo nas oficinas postais amplíase ata este venres ás dúas da tarde. Confírmao a Xunta Electoral Central.