O Goberno anuncia un recorte de 10.000 millóns en sanidade e educación. A medida, malia a súa importancia, foi comunicada unicamente a través dunha nota de prensa. O texto fala de próximas privatizacións, de "maior racionalización, eliminación de duplicidades e eficiencia na xestión dos grandes servizos públicos que se porán en marcha neste mes" e de cambios en educación e sanidade, de onde sairía a parte máis importante do recorte.
Fálase
Dez cámaras de televisión e uns vinte xornalistas ateigan a sala de prensa do Concello de Santiago para cubrir a rolda de prensa de Gerardo Conde Roa, na que o alcalde da cidade ofrecerá explicacións sobre a fraude de 300 mil euros da que se lle acusa.
O xornalista uruguaio Raúl Zibechi afirma que "o sistema creado en Bretton Woods hai sete décadas está a piques de colapsar. Non se trata dun afundimento abrupto, senón da lenta erosión da súa lexitimidade e da capacidade para dirixir os asuntos globais. No seu lugar vén pugnando por nacer unha nova orde cuxos alicerces comezou a construír o IV Cumio dos BRICS en Nova Delhi".
Grecia alugará os servizos da súa Policía. Un axente custará 30 euros á hora e un coche patrulla, 10 euros. Cóntao a Cadena SER.
A Asociación Galega para a Defensa da Sanidade Pública asegura que Luis de Guindos, "propón unha formula ao Lethman Brothers que cambiaría o modelo sanitario cara ao norteamericano". O colectivo aclara nunha nota de prensa o seu rexeitamento á idea do ministro de Economía de cobrar os servizos sanitarios ás persoas con rendas máis altas.
Diego Quintela e Rodrigo Añón veñen de elaborar o vídeo As chamas do Eume, sobre o incendio que sufriu este espazo natural a pasada semana. Na montaxe recóllense imaxes do parque natural e testemuños da veciñanza, que segura que o desastre se puido ter evitado.
O PP desmente ao ministro Luis de Guindos e asegura que traballa por unha sanidade "sostible, universal e gratuíta no tempo". O vicesecretario xeral de Organización dos populares, Carlos Floriano, cualificou de "reflexión persoal" as palabras do ministro de Economía, nas que falaba dun posible pago por servizos sanitarios.
A Plataforma Cidadá en Defensa da Radiotelevisión Pública Galega celebrará este martes unha xuntanza na que debaterá a posibilidade de realizar unha marcha o sábado 14 de abril "en contra da manipulación e a represión na CRTVG".
Poucas horas antes da rolda de prensa na que explicará a súa presunta fraude fiscal, o alcalde de Santiago, Gerardo Conde Roa, viaxou ata Padrón para participar nos actos das festas da Pascua. Fíxoo acompañado do resto do equipo de goberno nun autobús de época.
Medio Rural permite de novo realizar queimas, segundo informa a través dun comunicado