Visto para sentenza o xuízo dos mariñeiros galegos polas pensións en Noruega. O Estado nórdico admite que tributaron naquel país e non cotizaron, pero nega que houbese "discriminación". A sentenza será emitida a finais deste mes ou principios de maio.
ETA abordará a súa disolución tras culminar a entrega de armas. En breve coñecerase a posición dos presos etarras sobre a aceptación ou rexeitamento da legalidade peniteciaria.
A Audiencia de Lugo desestima a recusación formulada por José Ramón Gómez Besteiro contra a xuíza Pilar de Lara. Segundo a Audiencia, non existe a "falta de imparcialidade" que denunciaba o ex-secretario xeral do PSdeG.
O xuíz suspende cautelarmente a posta en marcha da Área Metropolitana de Vigo tras o recurso formulado pola Xunta. Aquí toda a información.
VÍDEO | O vicepresidente do Parlamento expulsa do pleno a veciñanza de Teis e Chapela por protestaren durante o debate dunha iniciativa do BNG sobre o impacto da AP-9 na contorna de Redondela.
Medio Rural obriga a cortar eucaliptos a 1.600 propietarios por plantalos en zonas prohibidas. Multou con ata 7.000 euros a 260 propietarios.
Mouriño dá o 'non' definitivo á concesión de Balaídos que lle ofreceu Caballero. Quere un estadio propio para o Celta, ben sexa en Vigo ou fóra da cidade. Cóntao Faro de Vigo.
O Constitucional suspende as partidas da Generalitat para o referendo e advirte ao Govern das consecuencias penais das súas actuacións.
A Colectiva, Asociación Profesional de Artistas de Galicia, comeza a súa actividade co coruñés Jorge Couceiro como presidente. A primeira presentación pública da entidade tivo lugar en Vigo o pasado venres cun Velorio pola cultura que reuniu a máis dun cento de persoas. En abril a asociación organizará na Coruña un congreso sobre asociacionismo cultural