Fernández de Mesa comeza a declarar no xuízo do Prestige. Asegura que el dirá "a verdade", pero dubida que "outros fixesen o mesmo" durante a vista que se celebra na Coruña.
![](https://praza.gal/media/cache/live_image/xornal/uploads/falase/foto/50f7cdade04d0-demessa.jpg)
Fernández de Mesa comeza a declarar no xuízo do Prestige. Asegura que el dirá "a verdade", pero dubida que "outros fixesen o mesmo" durante a vista que se celebra na Coruña.
O PP di en Twitter que é "rotundamente alleo" a "calquera conta bancaria que non estea reflectida na súa contabilidade ante o Tribunal de Contas". Presuntamente, o seu ex tesoureiro, Luis Bárcenas, ocultou máis de 20 millóns de euros en Suíza.
O fiscal superior cre que o 90% dos afectados polas preferentes foron enganados. "Non coñezo ningún caso dunha actuación irregular destas dimensións", asegurou Carlos Varela no programa Foro Aberto, da TVG, tal e como recolle Economía Digital.
Navantia asegura que o flotel encargado por unha filial de Pemex comezarase a construír nunhas semanas. O presidente do estaleiro estatal confirmóullelo aos traballadores, segundo conta o presidente do comité de empresa a Europa Press.
Arsenio Fernández de Mesa declara esta mañá no xuízo do Prestige. O ex delegado do Goberno ten previsto prestar declaración como testemuña na vista que se celebra na Coruña.
O PP desenténdese do seu ex tesoureiro, Luis Bárcenas, quen presuntamente ocultou máis de vinte millóns de euros en contas en Suíza cando xestionaba as contas internas do partido. Na Cadena SER
Un informe da Autoridade Europea de Seguridade Alimentaria relaciona os pesticidas coa morte masiva das abellas
Pontevedra Viva conta a historia de Susana, unha pontevedresa desafiuzada que agora ten que durmir no sofá dunha veciña
La Voz afirma que o Concello de Santiago falseou un informe para inculpar a concelleira de Educación, Rebeca Domínguez, na operación Pokémon e descargar de responsabilidades o alcalde Ángel Currás. Currás declara este xoves ante a xuíza Pilar de Lara en Lugo.
Unha xuiza de Cambados obriga a NCG a devolver 20.000 euros a un titular de preferentes porque o cliente non recibiu unha información axeitada. Mentres, PP e PSOE chegan a un acordo para crear unha comisión pública que supervise os procesos de arbitraxe.