Falece o fiscal superior de Catalunya, José María Romero de Tejada. Acábao de comunicar o ministro de Xustiza, Rafael Catalá.
Fálase
-
O Goberno central nega a axuda financeira ás autonomías se non asinan un convenio que beneficia as farmacéuticas. O acordo entre o Executivo e a patronal garante un nivel de gasto público anual constante en medicamentos de marca.
Puigdemont coida que "seguramente" non podería regresar a Catalunya para participar nunha eventual investidura. Afirmouno durante unha entrevista en TV3 realizada en Bélxica na que "esixiu" que as autoridades do Estado lle permitan facer campaña para as eleccións do 21D en territorio catalán.
O Sergas restrinxe a vacina da Hepatite B en persoas adultas por falta de doses. Cóntao Faro de Vigo
Competencia acusa a Iberdrola de cobrar subvencións ás renovables por electricidade producida con gas. Cóntao eldiario.es. A compañía xa fora sancionada pola CNMC por manipular o prezo da luz nos seus encoros, entre eles os galegos, e é acusada ao respecto por Anticorrupción na Audiencia Nacional.
Pontón insta a Feijóo a aclarar "en que bando está, a favor de Galiza ou de Rajoy e Montoro" no debate sobre o financiamento. A líder do BNG cuestionou o presidente no marco do Consello Nacional da formación nacionalista, celebrado este sábado.
Feijóo carga contra os "partidos onde todo o mundo viste parecido", "desnortados" ou "radicais" e contraponos coa "diversidade" do PPdeG. Afirmouno durante un acto de entrega de carnés a militantes da súa formación, na que, dixo, a mocidade se integra para confrontar o "pensamento único".
Gonzalo Caballero reta a Feijóo a trasladar as súas queixas polo cupo vasco dos "medios de comunicación" á "enriba da mesa de Rajoy". O secretario xeral do PSdeG afirmouno nunha comparecencia conxunta co secretario de Xustiza do PSOE, Andrés Perelló.
O líder do PP en Catalunya aposta por "pechar TV3" e "volvela abrir con xente normal". Foron declaracións de García Albiol nun acto preelectoral que recollen Tot Cerdanyola e mais Vertele.
Puigdemont presenta dende Bélxica as candidaturas de Junts per Catalunya para as eleccións do 21D como "unha proposta de máxima unidade e transversalidade"
