O Concello de Vigo dá marcha atrás e volve prohibir a presenza de cans na praia de Toralla, que fora autorizada verbalmente días atrás. O pasado domingo 400 persoas concentráronse en Bouzas para pedir máis espazos públicos para acudir coas súas mascotas. En Vigo hai máis de 20 mil cans rexistrados.
A galega Rebeca Quintáns revela que ela foi a autora de Un rey golpe a golpe, a biografía non autorizada de Juan Carlos de Borbón. A autora explica nunha entrevista en Público.es o xeito en que se xestou o libro e as presións que recibiu.
Deteñen en Marín tres mariñeiros do buque da Armada Juan Sebastián Elcano por tráfico de drogas. Recólleo El País
O CIS vén de publicar o seu estudo postelectoral correspondente ás eleccións europeas do pasado 25 de maio. As respostas destacan a boa campaña realizada por Podemos.
O luxemburgués Jean Claude Juncker, do PPE, elixido presidente da Comisión Europea con 422 votos a favor, 250 en contra e 47 en branco
Os 'lobbies' dominaron o 92% das reunións preparatorias da alianza comercial UE-EEUU, destaca Público
O Goberno de Israel acepta o cesamento dos ataques proposto por Exipto. O brazo armado de Hamas rexéitao ao consideralo "unha mostra de submisión", despois de que o exército israelí provocara xa 189 mortos en Gaza.
Suso de Toro anuncia o peche do seu blog en El País pola decisión do xornal de eliminar estes espazos da súa web. De Toro explica que continuará coas súas colaboracións en Eldiario.es e Praza.com.
O DOG publica hoxe a concesión da Medalla de Ouro de Galicia ás vítimas de Angrois e ás persoas que as atenderon tras o accidente.
A Xunta volve reclamar, dous anos despois, medidas para evitar os atascos na AP-9. Este domingo Audasa ignorou as reclamacións formuladas polo Goberno galego e non ergueu as barreiras de peaxe malia provocar atascos de máis de 3 quilómetros.