O Concello de Lugo presenta o San Froilán 2018 con bandas e artistas como SondeSeu, Pussy Riot, Nathy Peluso, Marky Ramone ou Fanfare Ciocarliana nun programa con 280 citas. As patronais lucenses comezan o día 4 de outubro co pregón do xornalista Manuel Lombao. Descarga aquí o programa íntegro en pdf.
DOCUMENTO | A tese de doutoramento de Pedro Sánchez xa está publicada en internet. Pode consultarse nesta ligazón
Pedro Sánchez dá orde de facer pública tamén en internet a súa tese de doutoramento. O presidente do Goberno central confirmouno nun texto difundido a través das súas redes sociais.
O Congreso vota esta mañá a convalidación do real decreto que modifica a lei da memoria histórica e inclúe a exhumación dos restos de Franco do mausoleo do Valle de los Caídos. En Marea, BNG e o Concello de Sada reclaman que esta reforma inclúa tamén medidas para recuperar o Pazo de Meirás (Imaxe: eldiario.es)
Chegan ao xulgado de Santiago os dous peritos propostos polo maquinista de Angrois para ratificaren verbalmente as peritaxes sobre o accidente que achegaron por escrito en 2015 e nas que detectaban diversas eivas de seguridade.
Pedro Sánchez advirte de que "as informacións aparecidas nalgún medio de comunicación" sobre supostos "plaxios" na súa tese de doutoramento son "falsas" e anuncia "accións legais" se "non rectifican o publicado".
Xabier Pérez Igrexas será o cabeza de lista do BNG de Vigo nas municipais. Así o decidiu a militancia da formación en asemblea no serán deste mércores.
Só dúas das 70 dioceses españolas, ningunha delas galega, ten o servizo de anteción ás vítimas de pederastia ao que están obrigadas, revela eldiario.es.
Dez días antes de que remate o verán, o Concello de Vigo comeza este mércores a instalación das luces de Nadal, “top do planeta”, segundo o alcalde. Custarán 825.000 euros e Abel Caballero di que o retorno económico para o comercio é maior xa que o ano pasado “todos os hoteis estiveron petados”.
A Supercopa de baloncesto que acolle Santiago os días 21 e 22 de setembro xa ten emparellamentos e horarios: Barcelona-Baskonia (venres ás 19.00 horas) e Obradoiro-Real Madrid (venres ás 21.30 horas). A final, o sábado ás 19.15 horas.
