Novas manifestacións contra a Lomce percorren seis cidades galegas esta tarde. Convocados pola Plataforma en Defensa do Ensino Público, moreas de cidadáns volven amosar o seu rexeitamento á lei Wert. Na imaxe de @iagoiglesias41, a protesta da Coruña.
Manifestacións masivas en todo o Estado contra a Lomce. Decenas de miles de persoas percorren as rúas das cidades contra a reforma educativa do ministro Wert.
Peter Higgs, que este venres recollerá o Premio Príncipe de Asturias xunto aos físicos Rolf Heuer e François Englert, alerta de que os recortes en investigación en España poden levar a "perder a vangarda científica" conquistada polo país nos últimos 30 anos
A nova Fonera (o router co que Fon anima a compartir o wifi con outros usuarios) permitirá partillar directamente a conexión á Internet con todos os amigos de Facebook
Outros cinco concellos asumirán o copago de fármacos. Son xa 25 en Galicia. Cervantes, A Pastoriza e O Valadouro, gobernados polo PSdeG, e Vilar de Santos e Maceda, de CxG, destinarán partidas para facer fronte a este repago das medicinas. A formación nacionalista anuncia a creación dun "fondo de emerxencia social" nos concellos que goberna.
O Ministerio de Educación avalía a folga educativa deste #24O a través dun vídeo remitido á prensa no que só ofrece datos de seguimento no profesorado e cualifica a mobilización de "fracaso".
Besteiro reunirase este venres co portavoz nacional do BNG, Xavier Vence. No encontro abordaranse "os problemas de Galicia e como se solucionan, non os problemas particulares de cada un", sinalou o secretario xeral do PSdeG durante a manifestación contra a LOMCE en Compostela.
Economistas Frente a la Crisis analiza os datos da EPA do terceiro trimestre. Destaca que o emprego case non crece nos meses de verán, e en termos desestacionalizados mesmo se reduce. Tamén alerta da destrución de emprego industrial e do descenso da poboación activa.
#consellodaxunta A creación da figura do "embaixador honorario do Camiño de Santiago", principal acordo da reunión semanal do Goberno galego.
Milleiros de persoas en Ferrol contra a Lomce e pola carga de traballo en Navantia na manifestación conxunta. Imaxe de @raulsalgado.
