Fálase

El Diario explica o contido da importante votación sobre o TTIP que terá lugar no Parlamento europeo este mércores. A cámara votará un informe sobre o tratado, no que se debaterá o polemico tribunal de arbitraxe privada (ISDS) ou a inclusión dos servizos públicos no acordo.

O partido do presidente turco, Recep Tayyip Erdogan, perde a maioría absoluta nas eleccións lexislativas, nas que a esquerda kurda entra no Parlamento, ao superar o dez por cento dos votos. Non se descarta a celebración de eleccións anticipadas.

O "non" imponse no referendo de Luxemburgo sobre o dereito a voto da poboación estranxeira nas eleccións lexislativas. Os resultados tiñan especial interese en Portugal, dada a gran presenza portuguesa no país, como relata o xornal Público

Vence defende unha candidatura galega para as eleccións xerais que non estea "subordinada" a formacións de "obediencia estatal". Afirmouno nunha entrevista na Radio Galega

Martiño Noriega aposta por unha "marea galega que combine partidos e movementos sociais" e agarda a emerxencia de "novos liderados". Afírmao nunha entrevista na Cadena SER, na que tamén detalla a baixada de soldos que Compostela Aberta aplicará no Concello de Santiago.

A A-8, cortada á altura de Mondoñedo por segundo día consecutivo a causa da néboa. Recólleo Europa Press

A Axencia Tributaria reclámalles 100.000 euros a orquestras galegas por impagamentos do IVE. Recólleo El Progreso

Os aeroportos galegos tiveron 32 millóns de perdas en 2014, segundo informa La Voz

Eldiario.es analiza nunha reportaxe os efectos que a fin do embargo sobre Cuba pode ter na investigación científica cubana.

A Marea Atlántica amosa "preocupación" pola parálise do traspaso de poderes na Coruña. Recólleo Radio Coruña