Rajoy envía unha carta aos pontevedreses na que espera que se lle retire a declaración de "non grato" e lamenta que concelleiros intentaran facerlle "dano". "Non renunciarei a Pontevedra", di a través do Faro de Vigo. O presidente do Goberno central participa hoxe no congreso do PP provincial.
Telmo Martín renuncia a cobrar a indemnización solicitada como ex deputado. Cre que a súa petición "xerou unha polémica" que non quere "seguir alimentando".
Diego Calvo, elixido presidente provincial do PP da Coruña con máis do 92% dos votos. O novo líder do PP coruñés reivindica o partido como "o da xente común".
A dirección de EH Bildu propón a Otegi como candidato a lehendakari para as eleccións autonómicas vascas prevista para o vindeiro mes de outubro.
Un ciclista morto e dez feridos nun atropelo na Guarda. O condutor fuxiu pero deixou a matrícula no seu intento. Os ciclistas circulaban entre Baiona e A Guarda.
Desenvólvense en Pontevedra as xornadas Das prazas ás institucións, nas que participan representantes de candidaturas cidadás e de movementos sociais de Galicia e do Estado. Foto: @Agora_Podemos
As protestas obrigan a suspender un mitin de Trump en Chicago. Un seguidor do candidato golpea un mozo que protestaba contra o polémico aspirante a liderar o Partido Republicano nos comicios.
Josep María Álvarez, novo secretario xeral da UGT. O líder do sindicato en Catalunya vence a Cilleros por tan só 17 votos tras unha tensa disputa polo control da central sindical.
Besteiro convoca de urxencia a Executiva Nacional do PSdeG para este sábado ás cinco da tarde. A convocatoria chega despois da notificación de que a xuíza De Lara o cita como investigado no caso 'Pulpo'.
As premiadas cos Premios Estatais do Traballo Social reciben o seu galardón en Compostela. Na imaxe, Maje Girona, Ana I. Lima, Gabirel Sáchez, coordinadora de Desalambre de eldiario.es, e Patrocinio de las Heras. Ignacio Escolar enviou un vídeo de agradecemento.
