#consellodaxunta Feijóo considera "perigosa" a decisión da Junta de Andalucía sobre expropiacións de pisos para evitar desafiuzamentos. "Aconséllolles que o estuden con moito detalle, porque as solucións máis doadas son as menos intelixentes", afirma.
Fálase
#consellodaxunta Feijóo culpa a oposición galega da "desafección" da cidadanía cara aos políticos. Censura a "hipocrisía" de PSdeG e BNG por que o bipartito concedeu "axudas de solidariedade" ás empresas de Dorado, pero evita aclarar as achegas na época de Fraga. Entre 2009 e 2012 "hai facturas, que non axudas" por 5.000 euros, afirma.
#consellodaxunta Feijóo reitera que cursará un convite para que o papa Francisco visite Galicia. Formularao ante o xeneral da orde franciscana, orixinario de Xinzo de Limia, ao que recibe este mediodía en San Caetano.
Uruguai legaliza o matrimonio entre persoas do mesmo sexo e tamén permitirá adoptar ás parellas homosexuais. O país charrúa convértese no duodécimo en todo o mundo en ampliar este dereito.
#consellodaxunta Feijóo anuncia que marcha a México "nas próximas horas". Durante a súa ausencia, o vicepresidente Rueda encargarase do "despacho" dos asuntos da Presidencia.
#consellodaxunta A Xunta estuda un informe sobre a futura aprobación da Lei do Empregado Público, incluída no programa electoral do PP
O presidente do Congreso expulsa da sesión o deputado de ERC Joan Tardá por falar en catalán. Fíxoo para protestar contra a decisión xudicial segundo a cal as clases en Catalunya terán que ser en castelán se un só alumno o pide. Cóntao Vilaweb.
Esta tarde reúnese no Parlamento por primeira vez a comisión de investigación sobre as antigas caixas de aforro para definir as súas normas de funcionamento.
Polémica na rede por unha serie de tuits contra os escraches de Sigfrid Antonio Soria, deputado autonómico en Canarias polo Partido Popular entre 2007 e 2011
José Luis Méndez renuncia tamén ao título de doutor honoris causa da UdC. O ex director da Caixa Galicia xa renunciou á consideración de Fillo Predilecto da Coruña.