Anova e Izquierda Unida reuníronse esta mañá en Compostela para "intercambiar posicionamentos e opinións sobre a necesaria ruptura democrática" e a súa "posíbel incidencia nas vindeiras eleccións europeas". Na xuntanza, enmarcada no "panel de contactos coas forzas políticas nacionalistas galega se da esquerda rupturista", participaron Xosé Manuel Beiras e o secretario de organización de IU, Miguel Reneses.
Fálase
A Mesa lamenta o "paso atrás" de Renfe, que recupera a utilización de toponimia galega deturpada como La Coruña ou Orense.
Este verán o xornal luso Público comezou a publicar na súa sección Portugueses Com Certeza historias de mozos e mozas "com talento espalhados pelo mundo". Este martes tráenos a historia de João Medeiros, xornalista, que pasou de estar no paro en Portugal a converterse en Londres en editor de Ciencia da revista Wired.
A cooperativa de enerxía verde Som Energia chega aos 10.000 socios, despois de tres anos en activo. Busca “transformar o modelo enerxético actual, converténdose nun actor económico do mercado enerxético, pero promocionando as enerxías renovables, a eficiencia enerxética e a implicación da cidadanía".
A biblioteca virtual Bivir chega xa ás 170 obras mestras da literatura universal, traducidas ao galego e dispoñibles en pdf para a súa descarga de balde.
Google lanza Google Web Designer, unha ferramenta que permite crear anuncios en HTML5, linguaxe compatible e unificada para todos os usuarios e plataformas.
O Consello Xeral do Traballo Social pide a retirada do programa de TVE Entre todos. Os traballadores e traballadoras sociais considérano "un claro ataque ao Estado do Benestar e á universalidade dos dereitos sociais" e cren que "só supón un parche para os problemas das familias, cuxa dignidade non se respecta. O comunicado íntegro, na súa web.
Hoxe entra en vigor o novo copagamento farmacéutico, neste caso para os medicamentos dispensados hospitalarios. Varias comunidades autónomas non o aplicarán pero a Xunta si o fará.
AGE abre unha "caixa de correo indignado" na que recollerá preguntas para realizarlle ao presidente da Xunta no debate de política xeral. "Que lle queres dicir ao señor Núñez?", preguntan
A policía grega atopa unha bandeira franquista na vivenda dun dos membros do partido neonazi Aurora Dourada, detido pola súa presunta implicación no asasinato dun rapeiro de esquerdas.
