Mañá celébrase en Lugo o xuízo polos danos provocados na serra do Xistral na extracción de pedra para a construción da Cidade da Cultura. Cóntao El Progreso.
Fálase
O Foro pola Memoria diríxese ao COI para que desapareza o rueiro franquista de Madrid, que mantén 165 nomes vinculados directamente á ditadura
Un estudo do Joint Research Centre da UE, realizado cunha base de 16 mil usuarios en cinco países, amosa que as descargas non afectan negativamente as vendas de produtos culturais. Destácao Enrique Dans, que denuncia o "acoso aos usuarios".
- Yolanda Díaz (AGE) ve "antidemocrático" que "os partidos do réxime", en referencia a PP e PSOE, rexeitasen tramitar no Parlamento a ILP de Compromiso por Galicia contra a corrupción.
- Luís Bará non substituirá a Carlos Aymerich no Parlamento por razóns de saúde. O novo deputado do Bloque será Daniel Rodas, ata agora concelleiro en Moaña.
O Tribunal Superior de Xustiza de Catalunya (TSJC) vén de imputar por tráfico de influencias o secretario xeral de CDC, Oriol Pujol, no caso ITV. Pujol afirmou hai unha semanas que abandonaria o seu cargo se finalmente era imputado.
Intereconomía Business TV e a edición en papel de La Gaceta están ao borde do peche. E empresa que preside Julio Ariza débelles varias mensualidades aos seus traballadores e traballadoras
Esta mañá Pachi Vázquez reúnese en Madrid con Alfredo Pérez Rubalcaba. Sobre a mesa está a celebración de primarias para renovar a secretaría xeral, decidida polo Comité Nacional do PSdeG e que, segundo avanza a Cadena SER, será aceptada pola dirección federal do PSOE.
Ernst & Young dubidou das contas de Pescanova durante dez anos. A auditoría apuntou salvedades entre 1991 e 2001, segundo conta Cinco Días.
Google Maps agrega imaxes de 360 graos do Everest e doutros cumios coma o Kilimanjaros, o Elbruss, ou o Aconcagua.