Remata a xornada na Terceira galega. Boiro, Pontevedra, Somozas e Choco encabezan a clasificación.
Pontevedra 2-0 Barbadás
Boiro 2-0 Alondras
Choco 4-1 Laracha
Grixoa 1-0 Arousa
Ordes 0-2 Rápido de Bouzas
Racing Vilalbés 0-1 Bertamiráns
Negreira 0-1 Deportivo B
Somozas 3-1 Betanzos
Dorneda 1-2 As Pontes
Cultural Areas 0-5 Cerceda
O Lugo perdeu na súa visita a Sabadell (1-0) e queda a dous puntos dos play-off de asecenso e a cinco do descenso. Na Segunda B, vitoria do Rácing de Ferrol ante o Celta B (2-0). E empates de Coruxo ante o Caudal (0-0), do Compostela ante o Sporting B (2-2) e do Ourense ante o Marino (2-2).
Ao redor de 40 persoas participan nestes momentos na homenaxe a Carvalho Calero organizada pola Fundaçom Artábria fronte aos restos da súa casa natal, en Ferrol Vello
El Diario entrevista os xornalistas agredidos pola policía este sábado en Madrid mentres gravaban unha detención: "Foi gratuíto e deliberado. Quixeron impedir que graváramos; iso é censura na súa máxima expresión".
A Illa de San Simón acollerá os días 25 e 26 de abril #NeThinking2014, no que expertos debatirán sobre Internet e as redes sociais. Participarán, entre outros, Joaquín Müller, Mario Tascón, Marilín Gonzalo, Eduardo Arcos, Miguel Ángel López Hematocrítico ou Risto Mejide.
El Mundo entrevista Pilar Urbano, autora de La gran desmemoria. Lo que Suárez olvidó y el Rey prefiere no recordar, que destaca que "Para Suárez estaba claro que a alma do 23-F era o Rei". Urbano relata as presións do monarca sobre o presidente do Goberno en xaneiro de 1981 para que dimitise e aceptase un goberno forte proposto por Armada. A solución de Calvo-Sotelo (máis conservador e pro-OTAN) contentou a Juan Carlos e descolgouse da operación Armada.
Ferrolterra volverá manifestarse este domingo, a partir das 12, en defensa do seu sector naval e na demanda de carga de traballo para os estaleiros. Mesmo o presidente da SEPI, Ramón Aguirre, recoñeceu esta semana no Congreso que a dramática situación da comarca “salta á vista”
Javier Espinosa e Ricard García Vilanova, correspondente e fotógrafo freelance de El Mundo, foron liberados onte pola noite en Siria, onde foran secuestrados o pasado 16 de setembro. Ás 21.20 horas o propio Espinosa chamou ao xornal: "Son Espinosa. Apunta este teléfono e chámame"
Só o 27% dos galegos e galegas teñen decidido o seu voto nas eleccións europeas de maio, segundo unha enquisa que publica La Voz. Entre os que xa saben quen apoiarán o máis votado é o PP (11,3%), seguido de Anova-EU (4,7%), o PSOE (4,3%) e o BNG (1%)
Durante o Real Madrid-Barça do pasado domingo as televisións lanzaron un ataque contra mil páxinas a través dunha empresa para impedir a emisión do partido a través de fiestras gratuítas. Pola web Rojadirecta, que dá acceso a estas páxinas (creada, por certo, polo galego Igor Seoane), pasa o 9% do tráfico español de Internet.