Centos de persoas apoian a absolución do activista de Coia Diego Lores, imputado tras as mobilizacións contra a polémica rotonda e para quen a acusación pide tres anos e medio de cadea e máis de 30.000 euros de indemnización. A Asemblea de Coia lanza un manifesto no seu apoio que apoian persoeiros como Luís Villares, Ana Pontón, Xosé Manuel Beiras, Ana Miranda, Méndez Ferrín, Anna Gabriel ou Manuel Rivas.
Fálase
FÚTBOL | A selección galega feminina xogará contra Catalunya en decembro. A Irmandiña regresa tras a volta do combinado masculino e xogará en Vilagarcía o 22 de decembro.
Mourinho enganou a Facenda cun millón de gastos ficticios. O adestrador portugués de fútbol agochou cartos en Nova Celandia usando a súa muller.
A deputada galega De Frutos recorrerá a sanción do PSOE "ata o Tribunal Constitucional se fai falta". "Se seguimos así, imos rematar na irrelevancia máis absoluta", advirte.
O Concello de Oleiros dedicará un parque público a Fidel Castro. Será a zona das Galeras, no municipio da área coruñesa.
Centos de persoas maniféstanse no Carballiño en apoio de Emilio Cao para quen a Fiscalía pide máis de 5 anos de cadea tras ser detido nunha mobilización das Marchas da Dignidade.
Darío Campos ofrécelle a Manuel Martínez regresar ao grupo do PSOE na Deputación de Lugo. O alcalde de Becerreá, que fora expulsado, di estar "disposto" a volver.
A Xunta e os alcaldes do PP meditan impugnar a formación do goberno da Área Metropolitana de Vigo. A entidade supramunicipal foi constituída oficialmente tras o abandono dos populares da sesión inaugural.
Cristiano Ronaldo desviou polo menos 150 millóns a un paraíso fiscal para ocultar ingresos por dereitos de imaxe. Unha filtración desvela unha rede para evadir impostos que abrangue tamén a Mourinho ou ao representante Jorge Mendes. Cóntao El Mundo.
Real Academia Galega e Fundación Barrié abren o prazo de presentación de candidaturas á Palabra do Ano 2016, que se escollerá a través de votacións no Portal das Palabras. Na edición de 2015 a palabra escollida foi refuxiados e na de 2014, corrupción.