Albert Rivera xustifica non apoiar a retirada de honras a Franco porque na Transición, di, "acordamos que no habían ni vencedores ni vencidos, que lo que habían era españoles". Segundo o líder de Ciudadanos, esta retirada, contemplada na lei da Memoria Histórica, supón non "aceptar lo que en la Transición hicimos". Recolleuno o programa El Intermedio, no minuto 34:48 deste vídeo.
EH Bildu, Podemos, Geroa Bai e Izquierda-Ezkerra concorren xuntos ás eleccións ao Senado. Os abertzales lamentan que o acordo non fose posible nos comicios ao Congreso.
A Universidade de Vigo participa nunha misión da NASA e da ESA para desviar un asteroide. Construirá un "cubesat" que alcanzará Dydimos en 2022, cando máis achegado estea á terra.
Os xulgados civís anulan xa en Galicia a cláusula solo pero con efecto só desde 2013. Descarta unha retroactividade total mentres non haxa pronunciamento dos tribunais europeos sobre as hipotecas.
Podemos e EH Bildu irán nunha candidatura conxunta navarra ao Senado. No acordo tamén se inclúen Geroa Bai e Izquierda-Ezkerra
A Audiencia Nacional volve imputar oito policías polos seus vínculos coa mafia chinesa. Interior anunciou hai pouco o proceso para que un deles ascenda a inspector xefe.
O PIB de Galicia medra un 2,9% no terceiro trimestre, por debaixo da media. Foi unha das autonomías que menos medraron.
Margallo avoga por "sufocar" a "sublevación en toda regra" que se tería realizado en Cataluña. O ministro de Asuntos Exteriores cre que Artur Mas sempre quixo a independencia.
O PP só podería gobernar co apoio de Ciudadanos, segundo unha enquisa para a SER. Os populares serían a forza máis votada, seguidos do PSOE, Ciudadanos e Podemos.
O partido de Erdogan recupera a maioría absoluta que perdera en xuño. O AKP obtivo máis do 49% dos votos, mentres que o HDP mantén a representación parlamentaria.