Os axentes ambientais e forestais manifestaranse esta tarde en Vigo (Praza de España, 19 horas) en defensa do patrimonio natural galego e para reclamar un acordo laboral que regule as súas condicións de traballo. O colectivo permanece en folga dende o pasado 1 de agosto.
O grupo de observación de cetáceos Verballenas rexistrou o paso de dúas candorcas por Estaca de Bares en dirección ao Cantábrico. Nos últimos anos Galicia vén confirmándose como un espazo privilexiado de alimentación e migración de cetáceos
PP e Ciudadanos non apoiarán o decreto de exhumación dos restos de Franco. Á xa coñecida negativa dos populares únese a da formación liderada por Albert Rivera, que o pasado ano si apoiara unha iniciativa parlamentaria neste senso
Máis de 25 concentracións protestaron este martes contra a violencia machista, en repulsa polo asasinato do domingo en Cabana de Bergantiños, a terceira muller morta a mans da súa parella ou ex parella no que levamos de ano en Galicia
BNG e En Marea rexistran no Parlamento a petición da comisión de investigación sobre o accidente n'O Marisquiño. Marea de Vigo pide a destitución de López Veiga, presidente da Autoridade Portuaria.
O Goberno central confirma que un decreto lei blindará este venres a exhumación dos restos de Franco. A norma terá que ser ratificada polo Congreso e o traslado dos restos adiaríase ata mediados de setembro
Este luns comezaron os traballos arqueolóxicos en Penedo dos Lobos (Manzaneda), que buscan confirmar a localización dun campamento militar romano, un dos mellor conservados do noroeste peninsular. O equipo de romanarmy realiza todos os días unha conexión en directo ás 12 do mediodía para dar conta dos avances da pescuda.
Hoxe os termómetros volverán roldar os 35 graos en Ourense, no Baixo Miño e nas Rías Baixas. Nos resto do país as temperaturas serán tamén altas, superando os 30 graos en boa parte do territorio
Convocadas 16 concentracións este martes en repulsa polo asasinato machista deste domingo en Cabana de Bergantiños. É a terceira muller asasinada pola súa parella ou ex-parella este ano en Galicia, todas nos últimos dous meses.
O movemento feminista prepara mobilizacións para este martes en resposta ao asasinato machista deste domingo en Cabana de Bergantiños. Un home de 56 anos matou á súa dona, de 50, dun disparo na cabeza. O matrimonio estaba en trámites de separación.