Os Comités e a Liga Estudantil Galega piden a dimisión do reitor da USC. A organización estudantil esixiron, na reunión do Claustro, que Casares Long abandone o carto "por non poder facer fonte aos problemas da Universidade de Santiago".
Fálase
Os sindicatos estudan xa unha folga xeral antes do Nadal. Anunciárono CCOO, UGT, CSI-F e USO na presentación das mobilizacións que levaran a cabo o vindeiro domingo 7 de outubro.
As autonomías piden ao Goberno central redistribuír os esforzos para cumprir co déficit. Piden que o Executivo lles conceda máis tempo, ao igual que Bruxellas llo concedeu ao Estado.
Rajoy negou onte á noite ante os seus baróns que España vaia pedir o rescate esta fin de semana
O PP vota en contra de que Feijó detalle no Parlamento os acordos con Pemex. Os votos dos deputados populares rexeitaron a petición do PSdeG, apoiada polo BNG, na Deputación Permanente da Cámara. Haberá máis información en Praza.
O ministro de Educación, José Ignacio Wert, coida que o incremento do sentimento independentista en Catalunya está relacionado co sistema educativo catalán. Cóntao Vilaweb.
La Voz de Galicia difunde o cartel electoral de Núñez Feijóo. O diario publica, na edición impresa e na web, o cartel no que se pide o voto para o PP, o que podería incumprir a Lei Electoral, que establece expresamente a prohibición de solicitar o voto ata que comece a campaña electoral.
O ministro Soria comprométese a loitar por manter Alcoa en Galicia. O titular de Industria asegura que a compañía terá unha factura eléctrica competitiva para 2013. Máis información, esta tarde en Praza.
Traballadores e armadores realizan unha acción de protesta en Conxemar, no IFEVI de Vigo, segundo informa a CIG. Os mariñeiros da flota cefalopodeira en Mauritania reclaman as axudas pactadas tras a súa expulsión das augas de Ma.
The New York Times dedica o seu editorial de hoxe a España. Advirte de que o foco da crise económica en Europa está posto sobre Madrid e que a Rajoy non lle quedan solucións para recortar gastos "sen arriscarse a un desastre social". O xornal urxe a Alemaña a que aposte por politicas de crecemento e non de austeridade.