The New York Times analiza o conflito sirio e salienta a dependencia crecente que as forzas rebeldes teñen con respecto a Al-Qaeda. Este grupo procee de Iraq e conta con abondosos recursos económicos e armamento.
Fálase
España convértese no Estado da UE cunha maior desigualdade na distribución da renda, por diante de Bulgaria, Letonia e Romania. O 20% dos españois con máis renda ten 6,8 veces máis cartos que o 20% que menos ten.
Os inspectores de Facenda queren investigar todas as persoas que se apuntaron á amnistía fiscal do Goberno. Este colectivo sempre se amosou moi crítico coa medida.
Milleiros de persoas participan noutra marea branca en Madrid en defensa da sanidade pública.
Izquierda Unida prepara a súa Asemblea Federal, que se celebrará a vindeira semana, e apunta á presentación dunha candidatura unitaria e un encontro sen excesivos conflitos. Porén, Gaspar Llamazares esixelle a Cayo Lara que teña en conta o seu grupo, Izquierda Abierta.
Un grupo de estudantes de doutoramento do CERN realizou un filme de zombies cuxa acción ten lugar nas propias instalacións do Gran Colidor de Hadróns. Decay pode verse integramente en youtube.
O PSdeG propón un imposto do 0,6% sobre os depósitos da banca. Os socialistas calculan que poderían obterse 52 millóns de euros que se destinarían aos servizos públicos e a reducir o déficit
O Liceo perdeu a imbatibilidade ao ser derrotado por 3 a 2 na pista do Noia, mais mantén o liderado con dous puntos de vantaxe sobre o Barça, xa que os blaugranas non pasaron do empate na súa visita ao Blanes. Na división de prata, o Cerceda venceu o líder Mataró por 1 a 0 e sitúase a só un punto da cabeza da táboa
Os sectores críticos do PSC afinan as súas estratexias para un cambio no partido, tanto os que apostan por conformar unha fronte de esquerdas, coma os que apostan por disputarlle a CiU o seu espazo.
A Conferencia das Nacións Unidas do Cambio Climático en Doha péchase cun acordo moi limitado de prorrogar até 2020 os acordos de Kioto, pero perde o apoio de Xapón, Rusia, Canadá e Nova Zelanda, co que as emisións de CO2 dos participantes supoñen só o 15% das emisións globais.