Un grupo de estudantes de doutoramento do CERN realizou un filme de zombies cuxa acción ten lugar nas propias instalacións do Gran Colidor de Hadróns. Decay pode verse integramente en youtube.
![](https://praza.gal/media/cache/live_image/xornal/uploads/falase/foto/50c477ef998d1-cern-640x359.jpg)
Un grupo de estudantes de doutoramento do CERN realizou un filme de zombies cuxa acción ten lugar nas propias instalacións do Gran Colidor de Hadróns. Decay pode verse integramente en youtube.
O PSdeG propón un imposto do 0,6% sobre os depósitos da banca. Os socialistas calculan que poderían obterse 52 millóns de euros que se destinarían aos servizos públicos e a reducir o déficit
O Liceo perdeu a imbatibilidade ao ser derrotado por 3 a 2 na pista do Noia, mais mantén o liderado con dous puntos de vantaxe sobre o Barça, xa que os blaugranas non pasaron do empate na súa visita ao Blanes. Na división de prata, o Cerceda venceu o líder Mataró por 1 a 0 e sitúase a só un punto da cabeza da táboa
Os sectores críticos do PSC afinan as súas estratexias para un cambio no partido, tanto os que apostan por conformar unha fronte de esquerdas, coma os que apostan por disputarlle a CiU o seu espazo.
A Conferencia das Nacións Unidas do Cambio Climático en Doha péchase cun acordo moi limitado de prorrogar até 2020 os acordos de Kioto, pero perde o apoio de Xapón, Rusia, Canadá e Nova Zelanda, co que as emisións de CO2 dos participantes supoñen só o 15% das emisións globais.
Chávez sinala o vicepresidente Nicolás Maduro como o seu sucesor. Hugo Chávez fixo esta suxestión despois de anunciar que debe someterse a unha nova intervención cirúrxica polo cancro que padece.
Mala xornada para os equipos galegos de fútbol-sala. O Azkar Lugo perdeu 7-4 en Mataró, o Santiago Futsal caeu en Navarra 5-3 e o Burela empatou na casa ante o Gáldar Gran Canaria.
O Lugo derrota o Almería 0-1 cun gol de Óscar Díaz. Os lucenses acadan a súa primeira vitoria a domicilio e fano no campo do segundo clasificado.
Os traballadores e traballadoras do Parador de Baiona maniféstanse en defensa dos seus postos de traballo, no remate do segundo dia de folga. Foto via @_Oscar_Sanchez
Berlusconi confirma que se presentará ás eleccións despois da crise do Goberno tecnócrata de Mario Monti, provocada polo propio partido de Berlusconi, o PDL, ao retirarlle o seu apoio na cámara. Di que regresa "por responsabilidade" e "para vencer"