Economistas frente a la crisis analiza a "propaganda" que chegou tras a poxa eléctrica anulada polo Goberno central.
Fálase
PP e PSOE deteñen as súas caídas en intención de voto cos conservadores como máis apoiados, segundo unha enquisa que hoxe publica El Diario. Nela, o BNG mantén os seus dous escanos no Congreso.
O PSdeG pregúntase por que Feijóo acusa a Artur Mas de "inventar problemas" mentres promove un recorte do Parlamento que "ninguén demanda". Os socialistas reclaman un pleno extraordinario do Parlamento para abordar os "problemas reais" do país.
Unha grande auxiliar do naval de Ferrol pretende despedir todos os seus traballadores. Maessa quere aplicar un ERE de extinción aos seus 85 traballadores.
O BNG será o anfitrión da asemblea anual da Alianza Libre Europea, que se celebrará en Compostela entre o 13 e o 15 de febreiro. A asemblea incluirá "un gran acto político" para "abordar o reto das eleccións europeas", explican.
O coordinador do colectivo pacifista vasco Lokarri, Paul Ríos, pídelle ao Goberno de España que "se non quere axudar, cando menos non moleste" no proceso de paz en Euskadi. Tras as detencións de onte, a Fiscalía pide agora suspender a manifestación por unha nova política penitenciaria, convocada para o vindeiro día 11.
O PNV agarda pechar este mes a súa coalición para as eleccións europeas. Espera, entre outros aspectos, saber se as bases de Compromiso por Galicia apoian que a formación se una a esta alianza. Decidirano o vindeiro día 25.
O ex presidente de Sacyr recibiu pagos en Suíza dun imputado na Gürtel. Nova información demostra a existencia dunha conta a nome da esposa de Bárcenas no país helvético.
A canle Intereconomía, que acumula varios meses sen pagarlle ao seu persoal, recorrerá a sentenza condenatoria contra un dos seus tertulianos, que lle chamou "porca", entre outros insultos, a unha conselleira da Generalitat por desenvolver programas de educación sexual. Na web do Colexio de Xornalistas.
Está a xerar especial polémica a portada de hoxe do diario ABC, polo tratamento fotográfico dunha das persoas detidas onte en Euskadi.