O científico e empresario Craig Venter advirte de que “España pode tardar 20 anos en recuperarse dos recortes en ciencia”
Fálase
O senador popular Juan Morano deixa o partido e pasa ao Grupo Mixto, despois de que fora suspendido polas súas declaracións e polo seu apoio ás reivindicacións dos mineiros. Votou en contra dos Orzamentos xerais en 13 ocasións.
A viúva de Arafat pide a exhumación do seu corpo, despois de que unha investigación xornalística de Al Jazeera revelara que o rais morrera envelenado con polonio.
Deteñen un antigo empregado da Catedral de Santiago como suposto autor material do roubo do Códice Calixtino. O home, electricista, fora despedido cando a Igrexa tivo que regularizar a situación laboral dos seus traballadores
O primeiro ministro francés, Jean-Marc Ayrault, confirma que en 2013 as persoas homosexuais poderán casar e adoptar fillos, cumprindo así unha das promesas electorais do presidente do país, François Hollande. En El País.
Catalunya, Andalucía e Euskadi rexeitan a ampliación de horarios comerciais proposta polo Goberno central, que aposta por permitir a apertura en máis domingos e festivos. A Xunta amosou igualmente "reticencias" e asegurou que no caso de aprobarse, Galicia optará polo mínimo e pasará dos oito festivos actuais aos dez a partir do 1 de xaneiro de 2013
Al Jazeera afirma que despois de nove meses de investigacións, todos os indicios apuntan a que Yaser Arafat foi envelenado con polonio radiactivo, a mesma substancia que provocou a morte, por exemplo, do espía ruso fuxido Alexander Litvinenko.
A Fiscalía Superior de Galicia presentou este martes na Coruña a demanda civil colectiva contra Novagalicia Banco pola colocación de participacións preferentes. O extenso documento, baseado en 1.700 denuncias, será dado a coñecer este venres polo fiscal superior, Carlos Varela.
Falece Kristina Berg, viúva de Carlos Casares e presidenta da fundación que leva o nome do escritor. O pasado marzo, Berg lembraba a Casares nunha entrevista en Praza Pública.
A xornada deixa dúas boas novas para o deporte galego. O Burela FS xogará na División de Honra do fútbol sala a vindeira campaña e o Club Deportivo Lugo, segundo adianta a Radio Galega, manterá a Quique Setién no banco no seu regreso á Segunda División.