Desafiuzada unha familia cun bebé en Ourense, cidade con 15.000 vivendas baleiras. O desaloxo fora aprazado a pasada semana na busca dunha solución para María, o seu marido e os dous fillos, que hoxe abandonaron a súa vivenda por non poder pagar o aluguer. Fotografía de @radioourense.
A Coalición Prointernet, formada por empresas xeradoras de contidos dixitais, distribuidoras de servizos online, medios como El Diario ou 20Minutos e entidades coma a Asociación de Internautas ou Wikimedia, denuncia a "inseguridade xurídica" provocada pola entrada en vigor da Lei de Propiedade Intelectual e o "grave impacto" provocado na economía dixital en España.
O paro cae en febreiro en 13.538 persoas en España, con 96.909 novos afiliados e afiliadas á Seguridade Social. En Galicia número de persoas inscritas como demandantes de emprego reduciuse en 1.453, situándose en 257.549, con 4.517 novos afiliados e afiliadas. Toda a información, esta mañá en Praza.
China Sonangol, filial chinesa da petroleira estatal de Angola, dá por feita a compra do Grupo Rodman. A empresa pagaría uns 100 millóns de euros polo estaleiro vigués.
Adolfo Domínguez despide outros 30 traballadores en Ourense, no que a CIG denuncia como "un ERE encuberto". O sindicato cre que a empresa planea trasladar a produción a Madrid. Nos últimos tres anos a planta reduciu o seu cadro de persoal en 120 persoas
O Xacobeo contrata para explotar o servizo de autolavado de 40 albergues do Camiño unha empresa que arrastra embargos e impagos co Estado
Podemos apoiará as candidaturas da Marea Atlántica, na Coruña, e de Lugonovo, en Lugo, tras as votacións realizadas polas súas asembleas cidadás locais nos últimos días. A decisión adoptouse cunha ampla maoiría (78,7% na Coruña e 60,6% en Lugo). En Vigo e Ourense non se acadou o quorum mínimo esixido (tiña que votar cando menos o 10% dos inscritos), polo que a fórmula de participación nas municipais deberá ser decidida a través dunha nova Consulta Cidadá, pero desta vez de ámbito galego.
Persoal de Povisa inicia unha folga de fame contra o despedimento de 13 compañeiros. A asemblea de traballadores apostou tamén por un calendario de mobilizacións.
Podemos presenta o seu programa en materia de economía e coidados. Pódese seguir ao vivo a través do seu streaming.
O pleno municipal de Lugo declara "persoa non grata" a conselleira de Sanidade pola falta no Hospital Lucus Augusti dos servizos de radioterapia, medicina nuclear e hemodinámica 24 horas, prometidos por Feijóo hai catro anos. A pasada semana a Deputación provincial aprobou a mesma declaración para Rocío Mosquera.