O PP abandona o pleno da Deputación de Pontevedra acusando o goberno de "ditatorial". Este xoves os populares realizaron unha acción semellante no pleno do Concello de Santiago, do que marcharon antes do debate das mocións dos grupos.
Fálase
-
A partir deste sábado redúcense de forma drástica nos países da UE as tarifas de roaming, aplicadas ao usar o móbil no estraxeiro. A partir de agora as compañías só poderán cobrar un máximo de 5 céntimos por minuto de chamada ou por mega consumido. Está previsto que o roaming desapareza en xuño de 2017.
El Español amosa o vídeo da celebración do 80 cumpreanos de Amancio Ortega, homenaxeado por 4.000 empregados e empregadas de Inditex.
Unha enquisa da BBC afirma que o 84% dos españois se amosan favorables á chegada de refuxiados e refuxiadas sirias, unha proporción moi superior á do Reino Unido, Francia ou Alemaña
"Aprobas unha coalición electoral con Podemos e outras forzas?" é a pregunta que Izquierda Unida realizará aos seus máis de 70 mil militantes e simpatizantes entre o 2 e o 4 de maio, para validar o proceso negociador cara a unha candidatura de confluencia. O 13 de maio é o derradeiro día para rexistrar as coalicións que concorrerán ás eleccións.
O PSdeG celebrará as primarias para a presidencia da Xunta a finais de maio. Máis información, hoxe en Praza.
Eurovisión prohibirá a exhibición de ikurriñas no recinto onde se celebra o festival, que terá lugar dentro de dúas semanas en Suecia. A bandeira vasca é unha das nove vetadas, xunto coas do Estado Islámico, Palestina ou Kosovo. PNV e Bildu xa solicitaron unha rectificación
Metroscopia analiza a axustada loita polo derradeiro escano en varias circunscricións, de cara á repetición electoral do 26X. En decembro, 17 deputados/as decidíronse por menos dun 1% dos votos e outros 11 (entre eles o último posto por Pontevedra) a diferenza estivo entre 1 e 2 puntos.
Ferrol en Común celebra esta tarde (19 horas, Centro Cultural Carvalho Calero) unha asemblea aberta de análise e valoración do pacto de goberno que mantén con PSdeG-PSOE, para ratificalo ou abandonalo. O alcalde, Jorge Suárez, levará unha proposta na que avoga por "cumprir o programa político co PSOE"
Centos de milleiros de persoas manifestáronse onte en Francia en contra da reforma laboral do Goberno de Hollande. Hai 120 persoas detidas. É a sétima mobilización en dous meses e medio. O debate parlamentario sobre a norma comeza a semana que vén.
