A partir das sete da tarde Apple presentará publicamente o novo iPhone 5, cunha pantalla máis grande e un novo sistema operativo.
Fálase
-
Holanda celebra hoxe eleccións, que se esperan moi axustadas entre os liberais e os socialdemócratas, con visións distintas sobre a economia, pero un discurso de escepticismo sobre Europa e as axudas aos paises do sur. En calquera caso uns e outros sumarán menos da metade dos escanos, polo que terán que establecer alianzas con varios partidos.
O Tribunal Constitucional alemán decidirá ao redor das dez da mañá sobre a legalidade do fondo permanente de rescate da eurozona. Ainda que dea luz verde, tamén podería engadir incertezas en forma de novas condicións á súa aprobación, e complicaría ainda máis as negociacións sobre futuros rescates.
O BNG amosa a imaxe de Guillerme Vázquez participando, convidado por ERC, na manifestación celebrada en Barcelona co gallo da Diada Nacional de Catalunya
O candidato do PSdeG á Xunta, Pachi Vázquez, interveu esta tarde ante o Grupo Socialista do Parlamento Europeo a carón do seu presidente, Hannes Swoboda. En Estrasburgo reuniuse tamén co vicepresidente da Comisión, Joaquín Almunia, e coa comisaria de Pesca, María Damanaki.
A manifestación independentista pechouse cun éxito indiscutible e unha guerra de cifras entre a policia local (un millón e medio de asistentes) e a Delegación do Goberno (600.000). Artur Mas recibirá esta semana os representantes da Assemblea Nacional Catalana, que instarán ao Govern a impulsar o proceso de secesión.
Os ex directivos demandados por Novagalicia Banco están citados para o vindeiro 21 de setembro. En caso de non haber acordo, a entidade procederá a presentar unha demanda pola vía social.
Veciños de Corcoesto reúnense con responsables de Industria para mostrarlles o seu "total rexeitamento" ao proxecto mineiro. A xuntanza tivo lugar este martes en Compostela, segundo asegura nun comunicado a plataforma contraria á mina.
A manifestación pola independencia de Catalunya supera as expectativas dos seus organizadores, enchendo completamente tres quilómetros das anchas avenidas do centro de Barcelona. Comeza a falarse dunha participación de dous millóns de persoas e a ANC afirma que "mañá comezamos a construción nacional". As rúas están colapsadas e a cabecera tentará chegar ao punto de remate previsto empregando unha via alternativa. Pódese seguir toda a información en Vilaweb.cat
O centro de Barcelona leva horas ateigado de xente, agardando a que comece a manifestación independentista, prevista para as seis. Pódese seguir a retransmisión en directo da TV3 a través da súa páxina web.
