O terceiro satélite deseñado coa participación da Universidade de Vigo xa está no espazo. GCiencia conta os detalles do lanzamento.
Fálase
-
As homenaxes a Ánxel Casal culminaron o serán deste mércores en Teo. A figura do alcalde e editor foi lembrada no lugar do seu asasinato polo alcalde da localidade e polos rexedores de Santiago, A Coruña e Arzúa.
O propietario de Leite Río apela agora ao diálogo e evita criticar a tractorada convocada para este xoves en Vilalba. A comezos de agosto Jesús Lence acusou os gandeiros de convocar estas mobilizacións para "ir de festa".
As mobilizacións do sector leiteiro galego contra os baixos prezos continúan hoxe na Terra Chá. Unha tractorada percorrerá a contorna de Vilalba durante esta mañá.
O Concello de Santiago retíralles as axudas aos grupos antiabortistas aos que o PP outorgara financiamento e axuda municipal. A información, esta tarde en Praza
Rajoy visita as obras do AVE na provincia de Ourense e, tras meses de demoras e incerteza nas obras, asegura que o prazo de remate se mantén en 2018. Durante a súa comparecencia en Celanova o presidente do Goberno central mostrouse satisfeito por visitar a "provincia de Orense" e subliñou que xa fixera o propio "en La Coruña" a pasada semana.
Dúas homenaxes lembran este mércores a Ánxel Casal no 79º aniversario do seu asasinato. A primeira, organizada polo BNG, celébrase ás 12:30 na rúa do Vilar de Compostela, onde se atopaba a Editorial Nós. A segunda é a homenaxe institucional organizada polo Concello de Teo ás 20:00 en Cacheiras, no lugar do asasinato, na que tamén participarán os alcaldes de Santiago, A Coruña e Arzúa.
As bolsas universitarias caeron case un 30% dende a chegada de Rajoy ao Goberno. Cóntao eldiario.es nesta reportaxe.
Rosa Quintana reúnese este mércores con cooperativas agrarias en Curtis, pero en calidade de membro do PP e non como conselleira. O encontro prodúcese tras a reunión do sector leiteiro en Madrid.
O PP impide que a presidenta do Consello de Transparencia compareza no Congreso para explicar os seus orzamentos. Cóntao eldiario.es
