A prensa deste mércores está monopolizada polo pacto entre CiU e ERC e o compromiso para convocar un referendo de autodeterminación en 2014. ABC e El Mundo falan de "referéndum ilegal", La Razón de "Alianza para romper España" e La Vanguardia de que "CiU cede ante ERC".
Bancos investiron en preferentes indemnizacións que recibiron as vítimas do 11M. Cóntao a Cadena Ser.
ERC e CiU asinan o pacto de goberno e fixan a consulta para o 2014. Artur Mas podería ser investido presidente da Generalitat este venres, segundo conta El Periódico.
O Concello de Pontevedra recibe o premio europeo Intermodes pola súa política de transporte intermodal.
Instagram poderá vender as fotografías dos seus usuarios e usuarias sen pedirlles permiso. O único xeito de evitalo será darse de baixa nesta rede. Explícao a Cadena SER.
Fajardo (AGE) ironiza na súa primeira intervención en pleno con que o PP está "diarreico", xa que "a metade dos escanos" populares están baleiros "despois de xantar". O Parlamentario cre "unha falta de respecto" a ausencia dos conservadores nos "debates coa oposición".
Lendoiro anuncia que o Deportivo entrará en concurso de acredores antes de fin de ano agás un acordo improbable con Facenda. Asegura que "non hai nada que temer" máis aló da situación deportiva.
O pleno do Parlamento aproba, por unanimidade, a creación dunha comisión de investigación sobre as antigas caixas de aforro galegas a proposta do PP. O PP rexeita a comisión proposta polo PSdeG no mesmo sentido. A información, este mediodía en Praza.
O Goberno central inclúe a Rodolfo Martín Villa no consello de administración do banco malo. Foi xefe do sindicato de estudantes ligado á Falange Española, procurador nas cortes franquistas e ministro entre 1975 e 1982
Os afectados polas preferentes terán que asumir unha quita do 40%, segundo avanzou o ministro De Guindos. Aclarou, no entanto, que a devolución que se lle aplique a cada caso dependerá do produto, do tipo de interese e da data de vencemento. Máis información, esta tarde en Praza.