Ciudadanos quere acabar coas penas específicas por violencia de xénero, destaca eldiario.es na súa portada. O partido de Albert Rivera propón reformar a lei para rematar "coa asimetría penal por cuestión de sexo" e mesmo pide mudar a propia definición de violencia de xénero.
A Comisión Europea pon en dúbida a viabilidad do AVE, sinalando que "hai riscos significativos de que as novas liñas non xeren suficientes ingresos para cubrir os custes". Critica tamén o modelo concesional, utilizado na AP9 ou no novo hospital de Vigo, onde Estado e empresas privadas "reparten asimetricamente o risco"
Este mércores conmemórase o 90 aniversario do falecemento de Pablo Iglesias Posse, que será homenaxeado en Madrid. Precisamente, Podemos dedícalle ao cofundador de PSOE e UGT o seu último vídeo electoral
Vicenç Navarro dedícalle un artigo á proposta de contrato único de Ciudadanos, do que sinala que "significa facilitar o despedimento do traballador para aumentar a flexibilidade", criticando que non inclúa elementos de maior "seguridade" que si existen en Dinamarca, de onde recolle o partido laranxa a súa proposta.
O debate da pasada noite sumou máis de 2,5 millóns de tuits, converténdose en trending topic mundial en Twitter
Está rematando o mitin ofrecido por Pedro Sánchez na Coruña, no que tamén interveu Pilar Cancela e José Ramón Gómez Besteiro. Toda a información, esta tarde en Praza
O PP lanza un convertedor de indecisos con nove argumentos sobre os motivos que conducen a xente a non votalos. Un dos motivos suxeridos é o propio Mariano Rajoy.
O debate da pasada noite foi seguido por unha media de 9,2 millóns de persoas (un 48,2% de share), converténdose na emisión televisiva máis vista de todo o 2015. Mesmo os dous programas de análise, que comezaron unha vez rematado o duelo, sumaron unha audiencia superior aos catro millóns de espectadores e un 40% de share. En Galicia a audiencia do debate foi do 52,8%, a terceira máis alta despois de Madrid e Castela-León.
Os últimos datos oficiais do reconto electoral en Venezuela danlle 107 deputados á oposición e 55 ao chavismo, con dous deputados máis por asignar. Con 112 escanos a Mesa de la Unidad Democrática dominaría os dous terzos da cámara, o que lle permitiría iniciar cambios na Constitución. O analista Roberto Mansilla destacaba onte nunha entrevista a falta de liderado de Maduro como un dos factores da derrota do PSUV.
Nas enquisas online realizadas na maioría dos medios, Pablo Iglesias aparece como o claro gañador do debate electoral da pasada noite: El Diario (63%), El Mundo (43%), ABC (49%), El Español (51%), La Vanguardia (55%), La Voz de Galicia (65%)... Na maior parte destas votacións, Soraya Saenz de Santamaría e Albert Rivera compiten polo segundo posto e Pedro Sánchez aparece como o gran derrotado.