Iolanda Veloso é a nova voceira do grupo municipal do BNG no Concello de Vigo. Substitúe a Santi Domínguez, que di marchar "tranquilo e orgulloso do traballo realizado"
Iolanda Veloso é a nova voceira do grupo municipal do BNG no Concello de Vigo. Substitúe a Santi Domínguez, que di marchar "tranquilo e orgulloso do traballo realizado"
O alcalde de Santiago non dimite malia a súa imputación na operación Pokemon. "Non está no meu ánimo dimitir", vén de asegurar nunha rolda de prensa, na que pediu aos veciños que "estean absolutamente tranquilos". Toda a información, nuns minutos en Praza.
Alemaña pecha 2012 co paro máis baixo en vinte anos e cun novo récord de emprego. A taxa de desemprego situouse no 6,8% no último ano.
O alcalde de Santiago, imputado na operación Pokemon, segundo vén de asegurar a Cadena Ser. Ángel Currás substituíu na alcaldía a Gerardo Conde Roa, que dimitiu por un presunto delito fiscal. Máis información, nuns minutos en Praza.
A Federación Galega de Enfermidades Raras e Crónicas lanza a campaña Eu apoio as enfermidades raras, e ti? coincidindo co inicio do ano 2013, declarado polo Ministerio de Sanidade Ano Nacional das Enfermidades Raras. A campaña está protagonizada por Xosé A. Touriñán e Marcos Pereiro e está baseada na venda de bastóns de caramelo.
O Arquivo Pacheco amosa os seus fondos nunha exposición na Casa das Artes de Vigo. O fondo total supera as 140 mil imaxes da cidade entre 1910 e 1970.
Novagalicia pecha "indefinidamente" a súa oficina de Moaña despois dun mes de acampada dos afectados pola estafa das preferentes ante a sucursal. En Moaña hai 986 afectados polas preferentes e subordinadas
Galicia, a comunidade onde máis sobe o paro en decembro, malia o descenso no conxunto do Estado. Hai 2.251 desempregados máis no país, 278.787 en total. En España, o paro baixa en 59.064 persoas pero hai 88.367 afiliados menos á Seguridade Social. Máis información, nuns minutos en Praza.
Paradores e sindicatos chegan a un acordo sobre o ERE presentado na empresa, polo que os despedimentos fican reducidos a 350 persoas. Non pechará ningún dos centros galegos -en principio ían facelo os de Ferrol e Verin-. O de Tui pechará tres meses por ano, os de Verín e Vilalba catro meses e o de Monforte farao 40 días.
O bono español a 10 anos rolda o 5%, un nivel no que non se movía dende marzo. O acordo nos Estados Unidos para evitar de momento o abismo fiscal fixo descender a prima de risco en 35 puntos na sesión de onte.