A primeira ministra británica enfróntase esta tarde a unha moción de non confianza -semellante á de censura, pero interna do partido- promovida por membros do seu propio partido. Se a perde, o Partido Conservador elixirá novo liderado e Theresa May estará próxima á saída do poder no Goberno do Reino Unido. Se a gaña, fica blindada no posto cando menos durante un ano.
A Rede de Colexios de Xornalistas rexeita o "ataque directo ao segredo profesional dos xornalistas" en Baleares, onde profesionais de Europa Press e Diario de Mallorca foron instados a revelar fontes e documentación dun caso de corrupción que atinxe a un relevante empresario do lecer nocturno nas illas, con diversas pólas políticas. (Imaxe da redacción do Diario de Mallorca).
A Policía admite ante o xuíz que durante o Goberno de Rajoy pagaron a informadores para espiar a Luis Bárcenas. Cóntao eldiario.es
Pelegrín volve a un acto da Xunta na inauguración en Santiago dunha exposición de fotografías sobre o XXV aniversario da declaración do Camiño Francés como Patrimonio da Humanidade.
O comité de folga da CRTVG intenta, sen éxito, entregarlle a Feijóo as súas reivindicacións sobre os medios públicos. "Un dispositivo policial e a falta de vontade do presidente" impediu que o xefe de Executivo coñecese de primeira man as demandas dun colectivo que a próxima semana celebra unha xornada de folga de 24 horas.
A película Trinta lumes, da galega Diana Toucedo, nominada a mellor documental nos Premis Gaudí do cinema catalán.
Este martes comeza en Pontevedra o festival Novos Cinemas, que conta con 15 películas nas súas seccións competitivas e cunha retrospectiva da cineasta lisboeta Teresa Villaverde.
A dirección de En Marea afirma que a "auditoría" da formación verifica "a entrada de catro persoas non autorizadas" no seu censo no marco das eleccións internas, que seguen sen data. "Non se puido verificar se estas persoas modificaron o censo", se ben "verificaron algunhas fichas e algún DNI", di Gonzalo Rodríguez no nome da Coordinadora e como responsable do censo. O Comité Electoral das primarias comparece este serán en Santiago para explicar a súa posición.
Theresa May cancela a votación sobre o Brexit no Parlamento para evitar unha dura derrota. A primeira ministra acaba de confirmalo na Cámara.
Manuel Rivas, Antón Losada, Suso de Toro, Pedro Feijóo ou Antón Reixa asinan un manifesto piden a liberdade dos presos cataláns e que o TC non paralice o acceso á xustiza europea.
