A débeda pública sobe ao 77,4% do PIB no terceiro trimestre, o seu máximo desde 1995, ao incrementarse un 1,5% con respecto ao trimestre anterior.
Fálase
The Guardian publica unha infografia interactiva con datos sobre as causas de morte por grupos de idade e zona xeográfica. De que morremos?
Rajoy asegura que "hoxe" España "non necesita o rescate", pero que o usará "se o precisa". Asegúrao nunha entrevista á Cadena Ser.
A nova taxa aos depósitos bancarios entrará en vigor a partir de xaneiro, un instrumento que xa fora posto en marcha hai anos polo PSOE en Extremadura e que fora recorrido ante o Constitucional polo Goberno de Aznar
La Información publica a lista dos alcaldes e alcaldesas que terán que rebaixar o seu salario por cobrar máis ca o presidente do Goberno central.
Facua denuncia que Pilar Farjas lle advertiu esta semana que o procedemento administrativo para a ilegalización da asociación "segue o seu curso". Farjas, secretaria xeral de Sanidade e Consumo, acúsaa de "montar bronca nos medios de comunicación". O Ministerio segue moi molesto polas criticas de Facua aos recortes en educación e sanidade.
O patrimonio de Nupel, a empresa de Lugo que presuntamente estaba no centro da trama Campeón, foi poxado por apenas o 10% do seu valor. Cóntao El País.
O Goberno central prevé implantar o repagamento en 300 fármacos que se prescriben nos hospitais pero que os doentes consomen nos seus domicilios. Adiántao a Cadena SER.
CiU e ERC achegan posturas de cara a un pacto de goberno. Os republicanos arráncanlle a Mas un xiro fiscal que permita reducir os recortes nun 25 e un imposto sobre as vivendas baleiras e o incremento do imposto de patrimonio
O temporal está a deixar numerosas incidencias en toda Galicia, con ventos moi intensos e chuvias fortes. Meteogalicia ofrece detalles do adverso meteorolóxico e da alerta, que se relaxará contra a tarde.