Os mercados responden aos novos recortes de Rajoy cunha suba da prima de risco até os 550 puntos e unha baixada do Ibex do 0,6%.
Fálase
O 25 de maio de 2013 Santiago acollerá unha nova edición de Imperial Stormtroopers, o desfile dos principais personaxes da saga d'A Guerra das Galaxias. Algúns detalles do novo evento presentáronse no Concello da capital, onde non falataron as tropas imperiais.
Íñigo Sáenz de Ugarte desmonta en Eldiario.es o mito dos supostos 445.000 políticos do Estado que "nunca houbo".
Prohibido levar camisetas do Che Guevara nos Xogos Olímpicos de Londres. O comité organizador veta expresamente os distintivos do revolucionario cubano.
Unha nova manifestación de empregados públicos percorre a estas horas as principais rúas de Madrid. Os convocantes prevén "unhas concentracións moito máis duras" no futuro. Imaxe de @SrtaPolaino
O cliente que gañou o xuízo polas preferentes agarda que NCG "non recorra" porque lle fan "falta os cartos". O presidente da entidade xa advertiu que acatan a sentenza.
José María Castellano advirte que a sentenza que obriga a Novagalicia Banco a devolver 7.650 euros a un cliente "estafado" coas preferentes non é a primeira que recibe a entidade. Nunha entrevista, asegura que non recorrerán o ditame e aposta pola arbitraxe como solución.
O líder da FPG e membro da Coordinadora Nacional de ANova-Irmandade Nacionalista, Mariano Abalo, aposta por que a nova forza nacionalista poida chegar a acordos con Esquerda Unida. Cóntao Faro de Vigo.
El Mundo leva hoxe na súa primeira páxina, xunto ao conflito das preferentes de Novagalicia, que Telefónica decidiu renovarlle o seu contrato a Iñaki Urdangarín, polo que lle paga 1,5 millóns máis 1,2 en concepto de vivenda. Se o despide, a indemnización será de 4,5 millóns.
A Xunta fai públicos os novos Estatutos da Axencia Galega das Industrias Culturais, que integra o Consorcio Audiovisual. O Centro Dramático Galego e o Centro Coreográfico Galego pasan a ser os departamentos de Produción Teatral e Coreográfica da Agadic, e os estatutos prevén a "designación de novas persoas titulares de ditos departamentos". Podedes consultar o texto íntegro aquí.