🏳️🌈
A Revista Dot Galicia está a piques de pechar a súa campaña de crowdfunding para a publicación do segundo volume do libro 50 Ilustradores Galegos Actuais, tralo éxito do primeiro volume, editado en 2014. A obra amosa o traballo de medio cento de profesionais do país e nunha exposición en Compostela pódense ver 200 traballos dun cento de autores e autoras
Esta noite entréganse os Premios María Casares. O Teatro Rosalía de Castro acollerá a gala a partir das 20.30 horas. Emitirase en directo por streaming na web da CRTVG e pola TVG, en diferido, a partir das 23.45 horas. O tolleito de Inishmaan (11 candidaturas), Eroski Paraíso (8), Raclette (5) e Voaxa e carmín (5) encabezan a lista de finalistas. Imma António lerá o manifesto do teatro galego.
A Colectiva, Asociación Profesional de Artistas de Galicia convoca un Velorio pola Cultura diante do MARCO de Vigo para este venres ás 20 horas. A entidade amosa a súa preocupación polo futuro do museo vigués e, de forma xeral, polas "políticas culturais da nosa comunidade". Iñaki Martínez anunciou en xaneiro que abandonaría a dirección do centro o vindeiro mes de novembro, alertando da "complicada" situación do MARCO.
Compostela acolleu a preestrea de Vidago Palace, a primera serie de ficción coproducida pola CRTVG e a RTP portuguesa. Comezará a emitirse este mércores na TVG
Unha plataforma veciñal presenta un informe ante a Xunta para que declare Ben de Interese Cultural o Parque do Pasatempo, en Betanzos. O pleno municipal aprobou xa tres mocións demandándolle ao Goberno galego a declaración.
Theresa May asina a carta que inicia o proceso de saída do Reino Unido da UE, activando o artigo 50 do Tratado da Unión. O proceso durará un máximo de dous anos.
O presidente de RTVE será nomeado por consenso e o PP vese obrigado a aceptar. A reforma do ente inicia o seu trámite parlamentario
Dimite por falsear o seu curriculum a moza que abriu o acto de presentación de Susana Díaz. Integrante das Xuventudes Socialistas, destacara no seu discurso que esta organización xuvenil non era "un trampolín"
O conseguidor de Púnica expandía a súa rede a outras institucións do PP (en Murica e Castela-A Mancha) e empresas do Ibex (Sacyr, Isolux) cando foi detido, destaca eldiario.es na súa portada
O Parlamento escocés autoriza a primeira ministra, Nicola Sturgeon, a iniciar os trámites para a convocatoria dun segundo referendo de autodeterminación. Está a contalo The Guardian
