Chipre abriu os seus bancos con fortes restricións despois de trece días de corralito. Non se poden sacar máis de 300 euros diarios nin cobrar con cheques
Fálase
-
O Supremo de EE UU cuestiona a prohibición do matrimonio gai. Unha maioría de xuíces cuestionan a lei de Defensa do Matrimonio, que o limita á unión dun home e unha muller.
Os alcaldes do BNG amosan a súa solidariedade cos afectados polas preferentes e denuncian a quita aos aforros dos miles de familias galegas estafadas polos bancos. Os rexedores nacionalistas reuníronse este mércores en Compostela e póñense ao dispor dos aforradores para "cantas accións reivindicativas decidan desenvolver".
Os BRICS crean o seu propio banco como alternativa ao FMI. Brasil, Rusia, India, China e Sudáfrica acordaron a creación dun banco propio para estimular o crecemento dos países emerxentes.
A MNG convoca unha concentración antitaurina en Padrón este domingo 31. Protestan contra a decisión do goberno municipal de Padrón de financiar con cartos públicos un espectáculo de tortura animal. Será ás 19 horas fronte a estatua a Rosalía, no paseo do Espolón.
Unha muller intenta suicidarse en Vigo por non cobrar as preferentes. Presentouse na Oficina do Consumidor para reclamar 90.000 euros e tomou varias pastillas. Cóntao La Voz de Galicia.
Unha procesión laica percorre as rúas de Ferrol reclamando carga de traballo para o naval e pedindo a dimisión de Núñez Feijóo. Imaxe de @beatrizsestayod.
Centos de persoas maniféstanse en Xinzo contra a mina de feldespatos que a empresa Minercer pretende levar a cabo en varias parroquias do Concello.
Os afectados polas preferentes obrigan a suspender o pleno de Ponteareas. É o sexto que se paraliza nesta semana por mor das protestas dos aforradores. Imaxe de @A3Galicia.
O xuíz Ruz queda coa investigación do caso Bárcenas. A Audiencia Nacional apoia o criterio da Fiscalía.