O voceiro do PP no Senado, presidente dos populares en Lugo e antigo rival de Feijóo polo liderado en Galicia, José Manuel Barreiro, asegura que "hai moitos instrumentos" antes de recorrer ás fusións municipais. Engade que a Xunta "non ten ningunha iniciativa nin tan sequera para impulsar as fusións", senón que só as "favorece".
Feijóo recibe ao presidente da RAG en San Caetano. A Xunta di que, durante o encontro, Feijóo lle ofreceu a Xosé Luís Méndez Ferrín "a máxima colaboración do Goberno autonómico na celebración do 17 de maio e na posta en valor da lingua e da cultura galegas"
Queremos Galego chama a ateigar as rúas de Compostela o vindeiro 17 de maio nunha nova manifestación “en favor da lingua que nos une”. Carlos Callón, portavoz da plataforma, dixo que “nestes tres anos non se produciu nin un só adianto para o galego” e pola contra “o que hai é un goberno da Xunta máis preocupado en atacar a lingua propia e destruír a súa oficialidade que en resolver os problemas da xente”.
Toxo e Méndez remiten outra carta a Rajoy pedíndolle que abra unha negociación "sincera e responsable" para modificar a reforma laboral e os Orzamentos. Os secretarios xerais de CCOO e UGT, recórdanlle ao presidente do Goberno que "estamos inmersos nun profundo conflito social".
O candidato do BNG á Xunta, Francisco Jorquera, coida que "se Feijóo non esixe a dimisión de Conde Roa" haberá que concluír "que é compracente con delitos tan graves como a fraude fiscal".
O Goberno aclara que estuda aplicar a progresividade por renda aos medicamentos, pero non á asistencia sanitaria. Segundo conta Europa Press, o Executivo descarta que se pague a Sanidade segundo o nivel de ingresos, tal e como insinuou o ministro De Guindos nunha entrevista á Cadena Ser.
O voceiro parlamentario do PP, Pedro Puy, evita ata en cinco ocasións aclarar se, en opinión do partido, Gerardo Conde Roa debe dimitir. "Teño por costume non dar a miña opinión ata que coñezo a información", di Puy, que se remite á rolda de prensa que o alcalde de Santiago dará esta tarde.
A CIG denuncia irregularidades nunhas oposicións a informático da Xunta e pide a dimisión do tribunal do proceso selectivo do A2, escala de xestión e sistemas de información e a repetición do terceiro exercicio do proceso selectivo. Afirma que o contido do exercicio foi revelado con anterioridade ao exame.
O Observatorio de Forcarei está a realizar o seguimento dunha nueva supernova, a terceira dende a súa apertura en 2008. Trátase de SN2012aw, localizada na M95, unha débil galaxia espiral barrada da constelación de Leo situada a aproximadamente 35 millóns de anos luz de distancia.
A web Desenredando la red asegura que a TVG borrou do seu Facebook comentarios críticos contra a dirección dos medios públicos tras a dimisión do xornalista Alfonso Hermida como editor e presentador do Telexornal Serán