Dez anos do #centenariazo, e dez anos da bandeira coa vaca, como lembra @nicetripgalicia
Fálase
Malísima xornada hoxe nos mercados financeiros. A Bolsa española está en números vermellos cunha caída próxima ao 3%. A banca é o sector que máis padece hoxe no selectivo de Madrid. A prima de risco, o diferencial que paga España respecto de Alemania pola súa débeda, está a piques de chegar aos 330 puntos básicos.
Bankia, CAM, Movistar, Vodafone e Ryanair, candidatas á "peor empresa do ano", nunha iniciativa de FACUA-Consumidores en Acción. Pódese votar aquí.
Elena Espinosa defende a inocencia de José Blanco no caso Campeón. A candidata á secretaría xeral do PSdeG declárase "defensora de que" o ex ministro "vai saír absolutamente libre de todo tipo de acusacións" e agarda que o proceso xudicial "se poida pechar" canto antes.
A propietaria do coche que ardeu despois da manifestación estudantil da pasada semana en Barcelona declara en 8TV que foi “un Mosso d'Esquadra o que achegou ao meu vehículo o contedor que se estaba queimando". A partir do minuto nove no vídeo.
A aviación de Alemaña asume a defensa de Islandia, que non ten exército. En IceNews
O Goberno central segue sen regular os festivos, unha das promesas estrela de Rajoy en campaña. En La Información.
Confirmados Love of Lesbian, Los Enemigos, Fangoria e Nancys Rubias para Festival do Norte deste ano, que se celebrará unha semana antes do habitual, o 27 e 28 de abril
O diario La Nación, de Arxentina, tamén publica as mobilizacións contra a fraude das preferentes que se produciron o pasado sábado por toda España. Este xornal fai referencia no titular ao "corralito", algo que coñecen perfectamente neste país. Enlace á información
Romney e Santorum pelexan polo voto obreiro en Ohio, Estado clave nas votacións do supermartes, que teen lugar hoxe