As vítimas de Angrois piden ser recibidas pola comisaria europea de Transportes, Violeta Bulc, que visita Madrid a vindeira semana. A Plataforma Víctimas Alvia 04155 está a recoller sinaturas a prol desta petición despois de que a Eurocámara constatase a necesidade dunha investigación independente sobre o accidente, no que morreron 80 persoas.
A baixada das temperaturas provoca o retorno da neve a varias comarcas do interior galego. As áreas montañosas de Lugo e Ourense están en alerta amarela este sábado por nevaradas, segundo informa Meteogalicia
Pedro Sánchez logra en cinco horas os 10.000 euros que procuraba para súa oficina da campaña á secretaría xeral do PSOE. Cóntao eldiario.es
VÍDEO | A galega Ana Peleteiro logra a mellor marca da súa carreira en triplo salto, métese na final europea e garante a súa presenza no vindeiro mundial de Londres. Recolleuno Eurosport, que está a ofrecer a competición.
PSA-Citroën anunciará o luns a compra de Opel, ata agora propiedade de General Motors, segundo avanzan varios medios internacionais como a axencia Reuters
Un home agrede a súa ex-parella en Lugo mentres sostiña en brazos á filla da muller, de 18 meses. A agresión aconteceu nas inmediacións da comisaría da cidade, onde foi detido de inmediato, segundo informa a Policía, que especifica que o home tiña unha orde de afastamento. Os feitos foron recollidos polas cámaras de vixilancia do recinto policial (na imaxe).
A Xunta ultima unha nova campaña de "fomento da natalidade" por ata 700.000 euros. Os anuncios centraranse en "sensibilizar" sobre a importancia da "revitalización demográfica" e difundir medidas do Goberno na materia. As anteriores campañas superaron o millón e medio de euros nun contexto no que os datos de natalidade permanecen estancados nos peores datos históricos.
O TSXG anula o nomeamento de doce altos cargos do Goberno do PP na Coruña ao considerar que foi arbitrario. Cóntao La Opinión de A Coruña
Bruxelas pide aos Estados reter as persoas migrantes máis tempo no centros de internamento e maior número de deportacións. Recólleo Desalambre
O Deportivo empata a 1 gol co Atlético de Madrid nun partido marcado polo forte golpe sufrido polo atlético Fernando Torres, que xa se recupera.
