O Wall Street Journal dedícalle unha reportaxe a Galicia e á súa gastronomía e produción vinícola. O texto, publicado na revista dixital do xornal económico, destaca o traballo de dúas pequenas adegas da Ribeira Sacra e Rías Baixas, dous restaurantes en Vigo e O Grove ou a artesanía cesteira no casco vello da cidade olívica. A reportaxe subliña que os produtos de calidade están a darlle "unha nova vida" ao territorio
Persoas con discapacidade e as súas familias seguen a mobilizarse na demanda de atención ante o CEGADI, o centro da Xunta rematado en Santiago dende 2013 que permaneceu media década pechado e no que Política Social prevé os primeiros servizos antes da fin deste ano. Estas concentracións repítense cada quince días. (Imaxe: BNG Santiago)
O Tribunal da UE sentencia que o Reino Unido pode revogar unilateralmente o Brexit se así o solicita a través do mesmo artigo co que o activou.
A escola naval de Marín inclúe misas como actos militares para o seu alumnado. Tras negárense un grupo de cadetes, o Ministerio de Defensa afirma que a asistencia a estas cerimonias é "voluntaria". Cóntao eldiario.es
Os protagonistas de Eroski Paraíso protagonizan o anuncio de Nadal de Vegalsa Eroski.
Marta González (PP) explica o apoio agora do PP á transferencia da AP-9 para evitar un "agravio" do Goberno central a Galicia.
A Peregrina amence en Pontevedra sen a escultura do loro Ravachol. A figura apareceu a poucos metros, xunto ao santuario.
A cuarta xornada de protesta dos chalecos amarelos remata con 135 feridos e case 1.400 detidos en Francia. As protestas reuniron 125.000 persoas en todo o país, 10.000 delas en París. Foto de @nunegraphy, en Marsella.
Máis de 50 feridos e un milleiro de detidos nas protestas dos chalecos amarelos en Francia. En París foron detidas máis de 70 persoas. Na imaxe, de nunegraphy, disturbios en Marsella.
Pachi Vázquez confirma que deixa a militancia do PSdeG. "Acabo de tomar unha das decisións máis difíciles da miña vida", di nun chío nas redes sociais.