Máis de 50 feridos e un milleiro de detidos nas protestas dos chalecos amarelos en Francia. En París foron detidas máis de 70 persoas. Na imaxe, de nunegraphy, disturbios en Marsella.
Fálase
-
Pachi Vázquez confirma que deixa a militancia do PSdeG. "Acabo de tomar unha das decisións máis difíciles da miña vida", di nun chío nas redes sociais.
O Centro Galego de Bruxelas advirte dun posible "castigo" da Xunta por acoller hoxe un festivo de colectivos cataláns. O presidente da entidade denuncia que recibiu presións duntte toda a semanda dos gobernos galego e central.
A CDU alemá elixe a centrista Annegret Kramp-Karrenbauer para suceder a Merkel. A nova líder da formación, que derrotou o dereitista Friedrich Merz, apoiou a política migratoria de Merkel e é máis progresista no económico, pero máis conservadora no social, manifestándose contraria ao matrimonio homosexual.
O Goberno central intenta reter a Alcoa con rebaixas nos custos eléctricos pero dá seis meses de prazo para aprobar un estatuto propio para as empresas electrointensivas. Persoal da planta coruñesa levou hoxe as súas reivindicacións ás prazas de abastos da cidade. Foto:@TraballadoAlcoa.
Galiza Nova denuncia que un rapaz foi agredido por levar unha camiseta coa estreleira en Pontevedra. Varios mozos atacárono ao berro de "isto é España", segundo conta a organización xuvenil.
Pachi Vázquez abandona o PSdeG. O ex-secretario xeral socialista e ex-conselleiro di sentirse "vetado e traizoado" pola actual dirección do partido. Ciudadanos non descarta a súa fichaxe de cara ás municipais.
Presentan a candidatura de Chano Piñeiro ás Letras Galegas de 2020, que coincidirán co 25 aniversario da morte do cineasta de Forcarei
O campus universitario de Ferrol (UDC) celebrará tamén un referendo sobre a Monarquía o vindeiro 12 de decembro, uníndose aos campus de Santiago (USC) e A Coruña (UDC). A data foi decidida este xoves nunha asemblea que fixou as preguntas da consulta: "Estás a favor de abolir a monarquía?" e "En caso afirmativo, estás a favor da apertura de procesos constituíntes para decidir o modelo de república?". 1.600 persoas participaron este martes no referendo celebrado en Vigo.
As emisións mundiais de CO2 crecen de novo e acadarán o seu máximo histórico este ano. O incremento débese a un aumento da queima de carbón e do uso de petróleo para producir enerxía. O pasado vénres Greenpeace levou a cabo unha acción pedindo o peche da central térmica de Meirama e a plataforma Galiza, un futuro sen carbón levou a cabo unha concentración na central das Pontes co mesmo obxectivo.
