Esquerra Unida denuncia simboloxía nazi na carpa de afeccionados do Real Madrid na final da Copa do Rei. Censura que a policía non actuase contra a exhibición de símbolos que "incitan ao odio". Axentes si actuaron, non obstante, noutras ocasións contra bandeiras galegas coa estrela.
O naval de Ferrol colga pancartas en varios lugares da cidade para denunciar a situación do sector ante a masiva chegada de turistas. Os traballadores piden unha "solución" e volven reclamar o dique. Imaxe de @raulsalgado.
Superoito, Monoulious Dop e Quempallou, gañadores do Cantalingua 2014. Serán os grupos que participarán esta edición tras ser elixidos polo alumnado de diferentes centros de ensino.
A Igrexa manobra para evitar o banco dos acusados no caso Retablo. Intenta anular escoitas policiais para impedir que o ex bispo de Tui-Vigo responda ante a xustiza.
Xa hai máis beneficiarios de axuda asistencial que de paro no Estado. A crise continúa e a rede asistencial é a que funciona como soporte social.
O director xeral da Policía condecora a Virgen María Santísima del Amor de la Cofradía de Nuestro Padre Jesús El Rico. Hai escasas semanas, o Goberno central xustificou así este tipo de condecoracións. Cóntao El Diario.
Montse Dopico, Iago Martínez, Fran P. Lorenzo, Carme Vidal e Ana Romaní optan ao premio da AELG á mellor traxectoria de Xornalismo Cultural en 2013.
Os ilustradores galegos José Domingo e Emma Ríos, candidatos aos premios Eisner do cómic, uns dos galardóns máis prestixiosos do sector, que se entregarán o vindeiro 25 de xullo no marco da ComicCon de San Diego.
A aplicación móbil Apparcar, creada polo vigués José Luís Leirós, foi un dos dez proxectos elixidos pola aceleradora de novas ideas empresariais Wayra (promovida por Telefónica) entre os 660 presentados en toda España. Coa axuda do GPS localiza os espazos libres máis próximos para aparcar un vehículo e permite a súa reserva por un pequeno periodo de tempo.
Gciencia lembra nunha reportaxe a historia de 22 orfos coruñeses que en 1803 foron infectados coa vacina da varíola para levala a distintos puntos de América.