Juan Luis Cebrián explica o ERE en El País nun artigo. O presidente do Grupo Prisa asegura que "o doloroso axuste do cadro de persoal débese á crise e ao radical cambio no sector".
Fálase
CiU roza a maioría absoluta en Catalunya, segundo unha enquisa de La Vanguardia que sitúa a PP, PSC e ERC igualados na loita por ser a segunda forza.
García-Margallo asegura que "nin un só país da UE aceptaría a independencia de Catalunya". O ministro de Asuntos Exteriores advirte que o país estaría "fóra do mercado interior, suxeito a aranceis, fóra das políticas estruturais e da política agraria común".
O Obradoiro perdo no Sar ante o UCAM Murcia (69-73) logo de non completar a remontada.
O Deportivo tamén perde logo de adiantarse 0-2 en Zaragoza. Os coruñeses saíron goleados (5-3) tras quedar con dez xogadores por expulsión de Pizzi.
O Celta cae en Vallecas (3-2) malia adiantarse 0-2 con goles de Iago Aspas. O Rayo remontou logo de que os vigueses quedaran con dez tras a expulsión de Cabral.
Kutxabank suspende as execucións hipotecarias de xeito "inmediato" e ata que se coñeza a nova lexislación. A decisión da entidade chega tras o suicidio dunha muller en Barakaldo á que ían botar da súa casa.
Romay di que os galegos "coa súa intelixencia natural" votaron a Feijóo. O presidente do Consello de Estado celebra "a boa apreciación das cousas" dos cidadáns de Galicia por darlle a maioría absoluta ao PP.
Guillerme Vázquez defende "non obsesionarse" coa reunificación do nacionalismo. Aínda que a ve "desexable", aclara que non depende unicamente do Bloque nunha entrevista a Europa Press.
El País confirma o despido de 129 xornalistas. O ERE aplicado prevé a indemnización de 20 días por ano traballado e cun límite de 12 mensualidades. Os despedimentos foron anunciados por e-mail. Imaxe de @comite_elpais.
