O Concello de Santiago destinará case 600.000 euros de fondos europeos (508 474,58 máis IVE) a mercar tres autobuses urbanos. O goberno compostelán dá conta da operación no Diario Oficial da Unión Europea este sábado.
![](https://praza.gal/media/cache/live_image/xornal/uploads/falase/foto/4fd30dc26a675-13054097335018.jpg)
O Concello de Santiago destinará case 600.000 euros de fondos europeos (508 474,58 máis IVE) a mercar tres autobuses urbanos. O goberno compostelán dá conta da operación no Diario Oficial da Unión Europea este sábado.
Máis de 6.000 vivendas e naves industriais optan a regularizarse en Galicia. Construíronse sen licenza antes da entrada en vigor da Lei de Ordenación Urbanística e Protección do Medio Rural.
O Eurogrupo está citado esta tarde para abordar o rescate de España. Isto acontece despois de que esta madrugada o FMI revelase que a banca do Estado precisa 40.000 millóns de euros. Cóntao El País. Máis información, hoxe en Praza.
O xornalista Alberto Freire faise cargo do programa da Radio Galega Pensando en ti tras a destitución de Luís Rial. Na web da RG
O Consello de Ministros autorizou este venres a Xunta a "realizar operacións de préstamos e créditos no exterioe e emisións de débeda pública" por un máximo de 430,5 millóns de euros. Esta autorización deriva do plan económico-financeiro do Goberno galego, ao que o Estado lle deu o visto e prace no Consello de Política Fiscal e Financeira do 17 de maio.
Parte dos tuiteiros e tuiteiras do país divírtense nesta tarde de venres cun retranqueiro hastag, #cubatasdaliteraturagalega, que vén de ser trending topic no Estado
Obama dálle un tirón de orellas a España. "Non todo pode ser recortar, recortar e recortar mentres o paro segue medrando", asegura o presidente dos EUA durante un discurso no que analiza a crise económica.
O Parlamento galego pide que se devolvan os cartos íntegros aos afectados polas preferentes. PP, PSdeG e BNG póñense de acordo para esixir "unha solución inmediata" para os 43.000 galegos "estafados". A iniciativa fora defendida polo Bloque.
O Banco de España analizará en agosto se esixe máis reservas á banca, logo de ter os informes independentes sobre a situación do sector financeiro.
O Goberno non nega que vaia pedir o rescate, pero supedita a solicitude aos resultados das auditorías sobre o sector bancario e aos datos do FMI. "Non hai nada decidido", dixo a voceiro do Executivo, Soraya Sáenz de Santamaría, tras o Consello de Ministros.